Boer gee hom oor ná voorval met betogers

Argieffoto

Die 63-jarige boer van die Noord-Kaap wat daarvan beskuldig word dat hy ʼn betoger op sy plaas met sy bakkie raakgery het, het homself aan die polisie oorgegee.

Kapt. Sergio Kock, woordvoerder van die polisie, het gesê die boer, Petrus van Niekerk, het homself Maandag by die Hartswater-polisiestasie oorgegee.

Hy het Woensdag in die Hartswater-landdroshof verskyn op aanklag van poging tot moord en sal Donderdag weer in die hof verskyn wanneer hy na verwagting om borgtog sal aansoek doen. Hy bly tot dan in aanhouding.

Van Niekerk het na bewering Vrydag omstreeks 12:00 ʼn man wat op sy plaas geloop het met sy bakkie raakgery.

ʼn Groep betogers het op die dorp betoog oor dienslewering en het al die hoofpaaie versper. “Die polisie moes skokgranate gebruik om die groep betogers uiteen te jaag om die nasionale paaie oop te stel,” het Kock vroeër gesê.

ʼn Groep van die betogers het glo in Van Niekerk se landerye ingehardloop toe die skokgranate afgevuur is. Volgens Kock het Van Niekerk met sy bakkie in die landerye rondgery en die groep mense gesien.

Dit is toe dat Van Niekerk na bewering ʼn 35-jarige man met sy bakkie raakgery het.

Kock kon nie onmiddellik bewerings dat die boer die betogers die k-woord toegesnou het en hulle opdrag gegee het om sy plaas te verlaat bevestig nie. “Dit alles maak deel uit van die polisie se ondersoek,” het hy gesê.

Die slagoffer is in ʼn ernstige toestand na die hospitaal gehaas. Volgens Kock het die ander betogers die polisie van die voorval in kennis gestel.

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

38 Kommentare

jongste oudste gewildste
AD

Met ons huidige politiek gaan hy lank sit. Onskuldig of nie. Hierdie saak gaan misbruik word.

Catrien

As hulle nie betoog het nie, sou die polisie hulle nie in die boer se private eiendom ingejaag het nie, en dan sou die arme boer hom nie raak gery het nie.
Alles is maar net sameloop van omstandighede.

Michael

O genade. Nou check hoe word die Raskaart nou geswaai.

Ronel

Ag… Alweer die ewige ou k-woordjie.

Amelia

Wie het die vreemdes in die boer se lande gejaag? Is hulle nie die eintlike skuldiges nie? Hoekom moet ons boere altyd geblameer word. Waarom was die betogers daar, sekerlik klippe gooi, brande stig, en self polisiemanne wat iets wil doen aangerand. Toe skiet hulle, en as een noodlottig geskiet is of in die oog of watookal, sou die polisie ook aangekla word? Hoeveel was in dai boer se einendom? En die betogers wat die SAP se vyand op dai stadium was, het wrtaggies die SAP se hulp ingeroep? Hemel iets maak net nie sin nie. As betogers my sou… Lees meer »