Boer gesoek wat glo betoger raakry

plaas-polisie-veld

Argieffoto

Die polisie in die Noord-Kaap is op soek na ʼn 63-jarige boer van Hartswater in die Noord-Kaap wat Vrydag na bewering ʼn man wat op sy plaas geloop het met sy bakkie raakgery het.

Kapt. Sergio Kock, woordvoerder van die polisie, het gesê die voorval het Vrydagmiddag omstreeks 12:00 plaasgevind.

ʼn Groep betogers het in die dorp betoog oor dienslewering en het al die hoofpaaie versper. “Die polisie moes skokgranate gebruik om die groep betogers uiteen te jaag om die nasionale paaie oop te stel,” het Kock gesê.

ʼn Groep van die betogers het in die boer se landerye ingehardloop toe die skokgranate afgevuur is. Volgens Kock het ʼn boer met sy bakkie in die landerye rondgery en die groep mense gesien.

Dit is toe dat die boer na bewering ʼn 35-jarige man met sy bakkie raakgery het.

Kock kon nie onmiddellik bewerings dat die boer die betogers die k-woord toegesnou het en hulle opdrag gegee het om sy plaas te verlaat bevestig nie. Hy kon ook nie bevestig of die boer agter die mense met sy bakkie aangery het ná hulle ingestem het om die plaas te verlaat nie. “Dit alles maak deel uit van die polisie se ondersoek.”

“Die slagoffer is in ʼn ernstige toestand na die hospitaal gehaas. Hy is steeds in die hospitaal,” het Kock gesê.

Volgens Kock het die ander betogers die polisie in kennis gestel van die voorval.

“Toe ons na die man gaan soek, was hy nêrens te vinde nie. Die polisie is steeds op soek na hom.”

Enigiemand met inligting oor die verdagte kan kapt. Veronica Moseki by 082 302 0429 kontak.

Volgens Kock was die situasie in die dorp vanoggend rustig.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

65 Kommentare

jongste oudste gewildste
Jordaan

Onmiddelik is die man reeds skuldig bevind aan rassisme en haal dit die nuus in omtrent al die publikasies en selfs op die radio. Die feit dat die mense onwetttig sy grond betree het en met onwettige versperring van paaie besig was, word skaars genoem, want “hy het die k-woord” gebruik” (na bewering)! Al wat swart mense hoef te doen is om hierdie beskuldiging te maak en niemand steur hulle meer aan wat tot die voorval gelei het nie.

Johan

Dit is deesdae so maklik vir swart mense om wittes te beskuldig. Ek is bv. Saterdag by my kinders se sportdag self deur ‘n oproerige swart man valslik daarvan beskuldig dat ek kom die K-woord genoem het nadat ek hom oor sy gedrag tereggewys het. As die mense rondom ons ‘n groep onbekende swartes was, sou sy storie hoogs waarskynlik deur hulle bevestig gewees het en was ek gister op die voorblaaie. Hy het egter al skreeuende weggestap en niks oorgekom nie.

jannie

Ai….nou gaan die arme boer weer boet vir sy dade….maar mens kan sy frustrasie verstaan….hy werk hard om sy landerye reg te kry dan kom mense en verwoes dit…

SjN

Die raskaart word klaar getrek nog voordat enige bevestiging gekry is, wat soek die groep betogers in elk geval op die privaat grond.

PJC

Die polisie moes in die eerste plek die betogers verhoed het om privaatgrond te betree. Nou gaan hulle alles in die stryd werp om hierdie boer agter tralies te kry.