Caster se goud verseker 10 medaljes vir SA

Caster Semenya Foto: Google Olympics

Caster Semenya Foto: Google Olympics

Caster Semenya het Sondagoggend ʼn gouemedalje verower in die 800 m vir vroue by die Olimpiese Spele in Rio de Janeiro, Brasilië.

Caster het in ʼn tyd van 1:55.28 die afstand afgelê voor Francine Niyonsaba van Burundi wat in ʼn tyd van 1:56.49 klaargemaak het. Margaret Wambui van Kenia was in die derde plek met ʼn tyd van 1:56.89. Kanada, Pole, Engeland, Belarus en die VSA kon nie podiumplekke verseker nie.

Dit is Suid-Afrika se tweede gouemedalje, nadat Wayde van Niekerk in die 400 m vir mans ʼn nuwe wêreldrekord opgestel het.

Dit is die derde keer in die geskiedenis van Suid-Afrika se deelname aan die Olimpiese Spele dat die land 10 medaljes kon verower. Suid-Afrika het dit onderskeidelik ook in 1952 in Helsinki en 1920 in Antwerp reggekry.

Lees alle vorige berigte oor die Olimpiese Spele op Maroela Media.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

9 Kommentare

jongste oudste gewildste
Welldone

Welldone Caster, jy het koelkop gebly, ons is ongelooflik trots op jou en uit die vel uit bly vir jou!

ekke

Dit is absolute fantasties.
So trots op jou. Dankie dat jy ons land die eer aan doen. WOW

Adeline

Well done Caster, so bly vir jou!

Cherokee

Al daardie vroumense het byna ‘n kilometer in minder as 2 minute gehardloop. Ongelooflik.

Anie

Baie geluk Caster, ons is baie trots op jou, jong! Voorspoed vir jou!