Covid-19-samevatting: Reserwemag opgeroep

Lede van die SANW in Kaapstad (Foto: Ian Landsberg/ANA)

Die Suid-Afrikaanse Nasionale Weermag (SANW) het lede van die reserwemag opgeroep om hulle tydens die algehele landwye afsondering by te staan in ’n poging om die verspreiding van die nuwe koronavirus (Covid-19) hok te slaan.

Die departement van verdediging het Saterdag in ’n verklaring gesê die Suid-Afrikaanse Militêre Mediese Diens het ook sy reserwemaglede opgeroep in die stryd teen Covid-19. Dit sluit in dokters, verpleegsters, noodwerkers en ander gesondheidspraktisyns.

“Die SANW is dankbaar teenoor die lede van die reserwemag vir hul bereidwilligheid om te dien en doen ʼn beroep op burgerlike werkgewers om hul personeellede beskikbaar te stel wat vir die reserwemag opgeroep is,” het die departement gesê.

Dr. Zweli Mkhize. Foto: Elmond Jiyane

Te min griepinspuitings

Dr. Zweli Mkhize, minister van gesondheid, het Saterdagaand gesê Suid-Afrika het slegs ’n beperkte aantal voorraad griepinspuitings ontvang. Die inspuitings word ’n jaar voorruit bestel.

Volgens Mkhize het nie die publieke en private sektor die Covid-19-pandemie voorspel of verwag toe hulle hul bestellings geplaas het nie. “Dit beteken dat ons ʼn te klein voorraad griepinspuitings het,” het die minister gesê.

Gesondheidswerkers sal nou voorkeur geniet om die griepinspuiting te kry. “Die land kan nie bekostig dat die gesondheidswerkers siek word nie veral namate die griepseisoen naderkom. Dit is een van die belangrikste lesse wat ons by ander lande geleer het wat ook die pandemie ervaar,” het Mkhize gesê.

Teen Saterdagaand is 1 187 bevestigde gevalle Covid-19 in Suid-Afrika aangemeld.

Soveel gevalle wêreldwyd

Argieffoto ter illustrasie. (Foto: Andy Wong, AP)

Volgens die barometer Worldometer se statistieke is altesaam 664 192 bevestigde gevalle van Covid-19 teen Sondag vroegoggend regoor die wêreld aangemeld. Byna 31 000 pasiënte het reeds weens die virus omgekom terwyl meer as 142 000 reeds van Covid-19 herstel het.

Luidens dié statistieke het 490 945 pasiënte tans die virus waarvan 5% in ’n ernstige of kritieke toestand is (25 207).

Die VSA is tans die nuwe episentrum van die virus met 123 774 bevestigde gevalle van Covid-19. Meer as 2 200 pasiënte het reeds in die VSA weens die virus omgekom. Italië het reeds 92 472 bevestigde gevalle en 10 023 sterftes aangemeld.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

21 Kommentare

jongste oudste gewildste
Anel

Ek het gedink die reserwemag is ontbind. Wonder of hierdie nie dan ou mk’s is nie. Hier kom iets leliks!

Johan Venter

Rom rom rom, die reserwemag kom
Nou is dit boomskraap
Lepels op die varkpan
Die kombuis is dolleeg
Nie ‘n lekseltjie is oor nie

marius

Wie is die reserwe mag ?

Marthinus Johannes

Januarie het die hele wereld al geweet wat in China aan die gebeur is en is die voorspellings al gemaak dat dit die wereld vol kan/gaan versprei. Toe moes Dokters en Hospitale al besef het hier kom n ding en begin voorsorg tref maar nee die tipiese arogansie van die mens veral die geleerdes dink mos dit gaan nie met ons gebeur nie. Soos met alle ander voorbeelde sit ons met die gebakte pere. Skole, weermag, kommunikasie, vervoer en medies. Alles stort in duie en wanneer daar n krisis opduik sit ons met ons vingers in plekke waar dit nie… Lees meer »

Pieter J

Ek het gewonder hoekom het die dokters en apteke nie soos gewoonlik hierdie tyd van die jaar griepinspuitings beskikbaar nie. Alles wat die regering betrokke by raak ontaard in ń gemors. My gesin kry al jare gereeld hierdie inspuitings en nou dat dit werklik saakmaak is daar nie.