Covid-19-statistieke: 100 000 al ingeënt

Gesondheidswerkers wag by die Edendale-hospitaal om die Covid-19-entstof te ontvang. (Foto: Dr. Zweli Mkhize/Twitter)

Suid-Afrika het teen Vrydagaand altesame 100 180 gesondheidswerkers teen Covid-19 ingeënt – presies ʼn jaar nadat die eerste geval van die nuwe virus in Suid-Afrika bevestig is.

Dr. Zweli Mkhize sê die land se herstelkoers staan tans op 94,6% en 1 437 050 mense uit 1 518 979 wat die virus opgedoen het, het reeds daarvan herstel.

Nog 1 313 nuwe gevalle van die virus is bevestig en daar is ʼn totaal van 31 363 aktiewe gevalle landwyd.

Aktiewe gevalle:

KwaZulu-Natal:  9 640

Vrystaat:             6 121

Wes-Kaap:          5 662

Gauteng:             3 226

Noordwes:         2 473

Noord-Kaap:      2 061

Mpumalanga:    1 071

Limpopo:            850

Oos-Kaap:           259

Nog 104 Covid-19-verwante sterftes is ook bevestig. Hiervan was vier in die Oos-Kaap, 29 in die Vrystaat, 16 in Gauteng, agt in KwaZulu-Natal, 12 in Limpopo, drie in Mpumalanga, 15 in die Noord-Kaap en 17 in die Wes-Kaap. Geen sterftes is in Noordwes aangemeld nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

19 Kommentare

jongste oudste gewildste
Gysbert

Mooi man. So die nuutste nuus is van nou af die daaglikse getal ingeëntes. Met nog n grafiek wat bykom. Lieflik.

Johan

Kan ons nou maar aanbeweeg van die belaglike tyd af ASB…die mensdom het nou genoeg bewys hoe dom hul werklik is. Dink net hoe gaan mense oor 50jaar vir ons lag op hoe ons reageer het op n verkoue, dit nou as hul nie dan nogsteeds vir grafieke sit en kyk deur hul selfs meer belaglike maskers nie.

Jaco

100000 inëntings oor 2 weke. Dis 2.6miljoen inëntings per jaar. Dis 15 jaar net om die huidige 40 miljoen (2 derdes van 60 miljoen vir kudde immuniteit) te bereik. Maar na 15 jaar is die totale SA bevolking seker al 90 miljoen. So dié inëntings gaan NOOIT eindig nie EN lockdown gaan ook NOOIT eindig nie. WEG is toeskouersport, musiekfeeste, kunstefeeste, kerkdienste, toerisme. En “at random”, soos wat die barometer van haat teen wit mense styg en daal, gaan strande weer gesluit word voor die somervakansie en dan lank daarna weer oopgestel word. DIT is die PERMANENTE nuwe normaal vir… Lees meer »

JohanR

40000000 om “herd immunity” te bereik. 100000 ‘n maand – 399 maande nog, meen dat ons 33.25 jaar sal vat om die 39900000 ingeent te kry. Ons sal soe in 2054 klaar kry met die inentings. Hopelik by daai tyd het die ANC ge #Voertsak!

NEO

Geen inenting vir my. Met minder as 1 present sterftes is dit kwalik ‘n pandemie.