Covid-19-statistieke: Getal gevalle, sterftes en toetse gedoen

Dr. Zweli Mkhize (Foto: Zweli Mkhize/Twitter)

Dr. Zweli Mkhize, minister van gesondheid, het Woensdagaand die jongste Covid-19-statistieke vir Suid-Afrika bekend gemaak.

Tot dusver is 55 421 gevalle reeds in die land aangemeld. Dit is ʼn toename van 2 430 sedert Dinsdag.

Nog 48 Covid-19-verwante sterftes is in Suid-Afrika bevestig wat die landwye totaal op 1 210 te staan bring. Altesaam 37 van die sterftes is in die Wes-Kaap aangemeld, gevolg deur nege in die Oos-Kaap en twee in KwaZulu-Natal.

Volgens Mkhize het die Wes-Kaap steeds die meeste Covid-19-gevalle aangemeld, naamlik 36 021 gevalle gevolg deur Gauteng met 7 195 gevalle. Die Oos-Kaap het 7 154 gevalle en KwaZulu-Natal 3 347 gevalle. Die Vrystaat het 401 gevalle, Limpopo 257 gevalle, Mpumalanga 207 gevalle, Noordwes 657 gevalle en die Noord-Kaap 125 gevalle.

Tot dusver het 31 505 mense van die virus herstel.

Meer as 30 330 toetse uit 998 400 is in die afgelope 24-uursiklus gedoen.

Wil jy op die hoogte bly van alle nuus oor Covid-19 op Maroela Media? Klik hier om in te teken op ʼn daaglikse nuusbrief.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

18 Kommentare

jongste oudste gewildste
Willem

Stel nie belang nie dis nie die ware syfers nie

christo

ek glo glad nie die getalle wat hulle deurgee nie.meeste gevalle in wes kaap waar dit DA beheerde gebied is of dit is eintlik hulle wat werklik hulle werk doen en nou lyk hulle sleg omdat hulle die enigstes is wat nie traag is in hul werk nie.as jy longontsteking het of jy verstik aan jou eie spoeg het jy covid 19.die regering maak dat jy wonder of daar regtig so baie gevalle is of meer maar jy kan nie regering glo nie.ons almal weet hoe lank wag jy vir enigeiets in gauteng

Michael 1

Hierdie is n mors van tyd dit gee nie die ware getalle aan nie.

BoerSonderRoer

Die getalle op hierdie stadium is irrelevant. SA was baie vêr agter ander lande, maar het baie lande nou verby gesteek.

Of ons toets te min, of Suid-Afrikaners voel ‘n veer vir die wet van die land.

Dries

Dit is beslis nie die ware syfer nie die ware syfers word weer Hou van die publiek af die in perking in Ander lande was streng toe die syfers geklim het en piek bereik het nou verslap dit omdat die syfers af neem ons inperking is net die teen oorgestelde ons syfers klim volgens die regering maar ons in perking reels verslap hoe werk hulle dit uit dit is hoekom hulle nie eers weet wat die ware syfers is nie wat te se nog raporteer