Nog 21 157 nuwe Covid-19-gevalle is in Suid-Afrika aangemeld waarvan ’n kwart daarvan in KwaZulu-Natal aangemeld is.
Die Nasionale Instituut vir Oordraagbare Siektes (Nios) sê in sy jongste verslag die jongste toename in gevalle verteenwoordig ʼn positiwiteitskoers van 29,1%.
Dit is laer as die 30,6% van die vorige dag. Die sewedaggemiddeld staan tans op 29,6%.
Nog 75 pasiënte het intussen weens Covid-19 gesterf terwyl nog 411 koronaviruspasiënte in die hospitaal opgeneem is. Altesame 9 202 mense word nou vir Covid-19 in hospitale landwyd behandel.
Dít terwyl die land se dodetal op 90 662 staan met minstens 3 374 262 mense wat reeds die virus opgedoen het. Daar is tans 219 289 aktiewe gevalle.
Sowat 25% van die nuwe gevalle is in KwaZulu-Natal aangemeld gevolg deur die Wes-Kaap (22%). Dié provinsies word gevolg deur Gauteng (20%), die Oos-Kaap (12%) en die Vrystaat (7%). Noordwes het 5% van die nuwe gevalle aangemeld gevolg deur Mpumalanga en Limpopo met 4% elk.
Die Noord-Kaap is tans verantwoordelik vir 2% van die land se nuwe Covid-19-gevalle.
Meer as 27,7 miljoen inentings is tot dusver gedoen.
Provinsie | Nuwe gevalle op 23 Desember 2021 | Totale gevalle tot en met 23 Desember 2021 |
Oos-Kaap | 2 459 | 318 298 |
Vrystaat | 1 581 | 185 380 |
Gauteng | 4 206 | 1 118 707 |
KwaZulu-Natal | 5 241 | 590 598 |
Limpopo | 763 | 138 754 |
Mpumalanga | 836 | 173 518 |
Noordwes | 1 073 | 175 908 |
Noord-Kaap | 401 | 99 719 |
Wes-Kaap | 4 597 | 573 380 |
Totaal | 21 157 | 3 374 262 |