Die Nasionale Instituut vir Oordraagbare Siektes (Nios) sê 9 818 nuwe gevalle van die koronavirus is aangemeld, wat ’n positiwiteitskoers van 26,6% verteenwoordig.
Dié koers is effens laer vergeleke met die vorige verslag (27,2%). Die sewedaggemiddeld staan tans op 25,8%, effens hoër as die gemiddelde 25,7% van die vorige dag.
Nog 53 Covid-19-verwante sterftes is intussen aangemeld.
Die land se dodetal staan nou op 91 198 met minstens 3 468 079 mense in Suid-Afrika wat reeds die koronavirus opgedoen het.
Wat hospitalisasies betref, is nog 62 Covid-19-pasiënte sedert die vorige verslag in ’n hospitaal in Suid-Afrika opgeneem. Altesame 9 378 pasiënte word tans vir Covid-19 in die hospitaal behandel.
Die meeste nuwe gevalle is in KwaZulu-Natal en die Wes-Kaap (26% elk) aangemeld. Dié provinsies word gevolg deur Gauteng (17%) en die Oos-Kaap (12%). Die Vrystaat en Mpumalanga het elk 5% van die nuwe gevalle aangemeld. Limpopo, Noordwes en die Noord-Kaap het op hul beurt elkeen 3% van nuwe gevalle aangemeld.
Daar is tans meer as 193 000 aktiewe gevalle van Covid-19 in Suid-Afrika en tot dusver het 3 182 969 mense van die virus herstel.
Byna 28 miljoen inentings is tot dusver gedoen.
Provinsie | Nuwe gevalle op 1 Januarie 2022 | Totale gevalle tot en met 1 Januarie 2022 |
Oos-Kaap | 1 170 | 329 042 |
Vrystaat | 489 | 190 045 |
Gauteng | 1 673 | 1 136 193 |
KwaZulu-Natal | 2 573 | 614 978 |
Limpopo | 340 | 141 913 |
Mpumalanga | 460 | 177 303 |
Noordwes | 285 | 179 474 |
Noord-Kaap | 306 | 102 392 |
Wes-Kaap | 2 522 | 596 739 |
Totaal | 9 818 | 3 468 079 |
Laat jou inent.Dit is die korrekte optrede om te volg.Jy skuld dit aan jou naastes.
Nee.
Nee