Darren Scott en sy vrou gaan skei

Darren Scott en sy vrou, Sarah-Kate. Foto: Facebook

Darren Scott en sy vrou, Sarah-Kate. Foto: Facebook

Die bekende radio-omroeper, Darren Scott, het aangekondig dat hy en sy vrou gaan skei.

Scott het gesê hy en Sarah-Kate het na ʼn 12 jaar lange verhouding, waarvan hulle ses jaar getroud was, besluit om skei. “Hierdie besluit is gemaak met die belangrikste faktor in gedagte, en een waaroor ons albei absoluut saamstem: ons twee seuns. Hulle is al wat saak maak in hierdie ding.”

Volgens Scott is Mark en Matthew, hul seuns, op ‘n ouderdom waar die teenwoordigheid van beide hul ouers deurslaggewend is, en daarom sal hy en Sarah-Kate deel van mekaar se lewens bly. “Ons het dié twee pragtige, wonderlike seuns saam in die wêreld ingebring en dit is ons enigste fokus.”

Scott het gesê hy en Sarah-Kate sal voortgaan om mekaar te respekteer en het ʼn beroep op die publiek gedoen om hulle as gesin ook te respekteer. “Verstaan asseblief dat dit ʼn baie moeilike tyd vir ons familie is en was, om verskeie redes. Ons vra julle om begrip te hê daarvoor dat ons ons kinders wil beskerm en hulle die normale en gelukkige grootwordjare wil gee wat hulle verdien.”

Volgens Scott het hulle besluit om die nuus oor die egskeiding in ʼn verklaring aan te kondig, aangesien hulle die besluit geneem het om in die openbare oog te wees en dus die goeie en slegte kant daarvan moet aanvaar. “Ons is nie aan die kant van daardie bekendes wat ‘privaatheid’ eis wanneer ‘n ongemaklike storie kop uitsteek nie, aangesien ons die media in ons binnekring aanvaar en voordeel getrek het uit die voelgoed-stories.”

Die aankondiging kom kort nadat Scott die nuus gedeel het dat hy weer kanker het. Lees meer hier.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

41 Kommentare

jongste oudste gewildste
maggie

ag nooit man. sterkte vir julle al vier.

Eileen

Aai tog, skei is deesdae so ‘n maklike uitweg. Mens sou dink dat deur alles wat die gesin al gegaan het, dat hulle hieroor ook sou kom. Die duiwel is baie besig.

Katryn

“It’s a fine time to leave me Lucille…”

Tascha

Hoe wil dit dan nou voorkom asof die madam net vasgehou het totdat sy Mev Wêreld titel gewen het? Ag nee man dit klink vir my die huwelik was ook maar net ‘n publisiteit foefie en nou ly die onskuldige kinders maar weer daaronder.

Yolande

Die niemand se plek om te oordeel nie. Ons weet nie wat presies in hul huwelik & gesin aangaan nie. Dis tussen twee verantwoordelike grootmense wat ‘n moeilike besluit moes maak.