‘Dokters’ gevonnis oor onwettige aborsies

Argieffoto (Foto: DarkoStojanovic, Pixabay)

ʼn Groep persone, wat hulself as dokters voorgedoen het, is skuldig bevind op aanklag dat hulle onwettig swangerskappe beëindig het.

Xoli Mbele, woordvoerder vir die polisie, het Woensdag gesê Francis Holalet Mbouaffou (48), Liancio Neddy Ekombe (36), William Mosito Mogaila (52), Ghislaine Lobe Moseka Elema (47) en Paul Gbagnonhoue (59) is in die Johannesburgse landdroshof tot ses maande tronkstraf gevonnis wat vir vyf jaar opgeskort is. Mogaila en Gbagnonhoue is die opsie gebied van ʼn boete van R20 000.

Mbele het gesê die polisie het in September 2014 ʼn klopjag by die Lister-gebou op die hoek van Small en Jeppestraat in Johannesburg uitgevoer by ʼn kliniek waar aborsies uitgevoer is.

“Al die verdagtes wat in hegtenis geneem is, kon nie sertifikate verskaf om te bewys dat hulle as dokters mag praktiseer nie. ʼn Babafetus is ook in die yskas gevind,” het sy gesê. “Hulle het die swangerskap van ʼn 16-jarige meisie beëindig. Verskeie vroue was in die verskillende vertrekke in die gebou om hul swangerskappe te beëindig.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

20 Kommentare

jongste oudste gewildste
Linda Koekemoer

Hulle vonnis is belaglik.

Johan Slabbert

So laat ek probeer reg verstaan. Party dokters mag babas wettiglik uit die baarmoeder te suig met n vakuumpomp, of met soutoplossing in die baarmoeder doodbrand, of hulle stuk vir stuk opsny en met n tang uithaal, maar ander wat nie so n lisensie het nie , mag dit nie doen nie .? As dit so is voel ek regtig bly vir die ongebore babas in die baarmoeder.

Dissie

6 maande vir moord?!

Ai

Toe ek op skool was het hulle ons Biblioteek toe geroep en ons aborsie videos gewys. Dis meer as twintig jaar terug en ek sal nooit vergeet wat ek daai dag gesien het nie.

Dis onmenslik. Ek het al meer as een storie gelees van aborsie dokters wat tot bekering gekom het en toe opgehou het met aborsies. Een het sy werk by n hospitaal verloor. Ander een baklei bou teen aborsie.

Mag die Here ons genadig wees dat ons ooit net terug gesit het toe hulle die ding wettig maak hier.

Ouma

Aborsies is pleinweg MOORD! As ‘n ou seks wel bedryf moet hy/ sy die gevolge daarvoor ook aanvaar. En klaar!!!