Die jong man wat van die moord op sy voormalige meisie, Ntokozo Xaba, verdink word, het Maandag sy aansoek om borgtog in die Pretoriase landdroshof laat vaar.
Ngcebo Thusi (23) staan tereg op aanklagte van moord en dwarsboming van die gereg nadat Xaba se liggaam vroeër vandeesmaand ná ʼn kuier met vriende by ʼn huis in Pretoria-Tuine gevind is. Thusi was glo die laaste persoon om saam met Xaba gesien te word voor haar dood.
Die twee jong mense was ten tyde van die moord albei studente aan die Tshwane-Universiteit vir Tegnologie (TUT) in Pretoria en was voorheen in ʼn verhouding.
Xaba se lewelose liggaam is die oggend van 2 Februarie met veelvuldige steekwonde gevind toe haar vriende ná die huiskuier na haar gaan soek het.
Lumka Mahanjana, woordvoerder van die Nasionale Vervolgingsgesag (NVG), sê die aanklaer in die saak, Mashudu Nembulunge, het vandag in die hof aangedui dat die staat beoog om borgtog teë te staan, sou Thusi daarvoor aansoek doen.
Die saak is intussen tot 30 Maart 2023 uitgestel vir verdere ondersoek.
Doodstraf. Dis Al.
Hy weet haar familie gaan hom uitvat. Net soos wat nou met AKA gebeur het.
Ja bly maar liewers in die tronk!