Eskom: Miljarde in die water

Argieffoto (Foto: baptisteh, Pixabay)

Eskom het Maandag bekend gemaak hy het ʼn nettoverlies van R2,3 miljard die afgelope geldjaar gely vergeleke sy R900 miljoen wins in 2017.

Jabu Mabuza, Eskom se voorsitter sedert Januarie vanjaar, het ook gesê R19 miljard is sedert 2012 onregmatig bestee. Mabuza het die maatskappy se finansiële uitslae vir die geldjaar, wat op 31 Maart geëindig het, in Johannesburg bekend gemaak.

Mabuza het gesê die maatskappy fokus steeds daarop om ondersoeke van geskorste bestuurders af te handel wat ook die korporatiewe bestuur sal verbeter.

“Ek glo die optrede in ʼn relatiewe kort tydjie teen diegene wat sleutelrolle in die kritieke bestuursoorsigte gespeel het, dui aan hoe ernstig ons is om korrupsie en onreëlmatighede uit te wis,” het Mabuza tydens die geleentheid gesê.

“Ons sal voortgaan om teen diegene wat by onreëlmatighede betrokke is, op te tree. Ons is vasbeslote om die maatskappy van korrupsie in al sy vorme te reinig.”

Mabuza het gesê hoewel Eskom ʼn stormagtige jaar beleef het, was dit nie te wyte aan bedryfskwessies nie en het kragvoorsiening nietemin ʼn stewige prestasie gelewer.

Hy het erken Eskom het ʼn geruime tyd gebuk gegaan onder “die afwesigheid van etiese leierskap op die hoogste vlakke”. Hy het bygevoeg die maatskappy moet daarop fokus om vakante bestuursposte te vul.

“Ons kort die regte mense op die regte plekke wat die regte dinge doen – om Eskom te stabiliseer en gereed te kry vir volhoubare sukses terwyl hy sy kommersiële en ontwikkelingsmandaat vervul.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

18 Kommentare

jongste oudste gewildste
Irma

EN raai wie byt die spit af vir die swak bestuur of afwesigheid van etiese bestuur terwyl die krag verbruikers gyselaar gehou word deur mense met geen integriteit. Ongelooflik hoe stewig “diefstal” gevestig is in die staatsbeheerde entiteite. Hoe is dit moontlik dat Jan publiek geen inspraak het in sulke sake ?

Hanna Hoekom

“Affirmative action” en “bekwaamheid” sal nooit in dieselfde sin gevind kan word nie. Hierdie is nou n sprekende voorbeeld van transformasie wat blindelings toegepas is! I rest my case.

Stella

Hahaha, vergewe tog as ek net lag. Mens raak naderhand gewoond aan dieselfde ou storie. Niks gaan verander nie, niemand sal vervolg word nie

Nettie

“Eskom gaan ‘n geruime tyd gebuk onder afwesigheid van etiese leierskap op die hoogste vlakke” ……

Bha-wha-wha-ha-ha-haaaa!!!! Geagte mnr. Mahusa, vertel ons tog asseblief iets wat ons nie weet nie, toe? DIE HELE LAND GAAN AL VIR DIE AFGELOPE 24 JAAR GEBUK ONDER DIE AFWESIGHEID VAN ETIESE LEIERSKAP OP DIE HOOGSTE VLAKKE!!!!! Danksy die ANC, “all thanks to the ANC, viva, ANC, viva Madiba, viva!”.

Wie glo Wie??

As Eksom die uitstaande elektrisiteit gelde van Munisipaliteite kan invorder sal Eskom Biljoene winsmaak vir die finansiele jaar.
Soweto en baie ander benadeelbe plekke betaal geen elektrisisteit rekeninge nie. Die ANC wil dit so he anders verloor hulle stemme