Argieffoto van ‘n gevandaliseerde substasie bloot ter illustrasie. (Foto: Eskom)
Die toenemende voorkoms van vandalisme en skade aan infrastruktuur in die Oos-Kaap het Eskom diep bekommerd.
Dít nadat ʼn substasie in Gqeberha (Port Elizabeth) so onlangs soos Maandag om onverklaarbare redes met verskeie petrolbomme bestook is.
Talle kragpale regoor die Oos-Kaap is die afgelope ruk afgesny terwyl transformators gereeld voete kry. Intussen moet gemeenskappe vir dae aaneen sonder elektrisiteit klaarkom en amptenare van Eskom spartel om die gevandaliseerde of gesteelde infrastruktuur te vervang.
Eskom sê sy Mqanduli-kliëntenetwerksentrum moes sedert Desember al talle pale en kabels herstel of vervang wat noodsaaklik is vir klinieke, skole, die polisie en die plaaslike wateraanlegte om bedrywighede voort te sit.
“Die gereeldheid van hierdie voorvalle bring wesenlike uitdagings en uitgawes mee wat beteken dat dit langer neem om hierdie gevandaliseerde of gesteelde infrastruktuur te herstel of vervang.
“Dit is baie duur vir ons as ʼn besigheid en dit is beslis nie volhoubaar nie,” raas Eskom nou.
Die publiek word opnuut gemaan om die polisie óf Eskom te kontak indien hulle oor enige inligting oor voorvalle van vandalisme beskik.
“Dit sal die kriminele ondersoeke aanhelp en verseker dat oortreders tot verantwoording geroep word,” sê Eskom.
Vandalism takes your power away!
Join the fight against electricity theft and vandalism.
STOP the criminals from breaking Eskom property and take back your power!REPORT vandalism to Eskom: 0800 112 722 or to the SAPS: 10111#takeyourpowerback pic.twitter.com/QdfoeyfoTv
— Eskom Hld SOC Ltd (@Eskom_SA) March 10, 2023
sover my kennis strek, as iemand ‘n land se infrastruktuur beskadig, word dit as terrorisme gesien.
Dit is wat die cANCer nog altyd was…n titel wat hulle dalk met trots dra.
Ek dink dis nie ons mense nie Ek dink dit is ons geliefde buurstate wat plunder daar is mos geen grense meer nie loop net oor
Mqanduli is reg aan die Wildekus. Jy gaan moet baie ver loop van ‘n buurstaat af.
Hulle loop nie, hulle ry met motors beter as myne en joune.
n Koningkryk wat teen homself verdeeld is kan nie bly staan nie . . . jy oes wat jy saai
Tien uit tien vir teologie
Dis maklik, hou eenvoudig net op om die skade te herstel tot die gemeenskap self genoeg gehad het – hulle sal hulself uitsorteer en die gemors onder hulle uitdryf….
Die gemeenskap het iewers 4 munisipale werkers vermoor wat kabels wou herstel – was vanoggend op Nuuspod. Miskien wou die werkers onwettige verbindings ook verwyder? Ek ken nie die hele storie nie, maar die gemeenskap is net so skuldig.
Dit se baie van hulle bestuurstyl om ‘n probleem te identifiseer en die enigste oplossing is om die publiek te vra om inligting te gee,pas die plekke op wat kos die meeste sekuriteits personeel of die vervanging van substansies.
Is dit nie dalk ook van eskom se kartelle nie
Mantashe sal seker nou ander storie sing. Toe de Ruyter dit gesê het toe is Mantashe vinnig om hom aan te maan om op te hou polisieman te speel.
Dis tyd dat gemeenskappe minder apaties staan teenoor infrastruktuur tot hul voordeel en gesamentlike verantwoordelikheid neem. Vergeet van President. Cele en polisie..hul leef op ‘n illusie wolkie
Sommiges is tevrede om in ñ disfunksionele samelewing te leef.Alles is stukkend en daar is min of geen water en elektrisiteit.As iets funksioneer moet dit dadelik vernietig word.Raar maar waar.
Waarom nou? Julle het mos nou een van jul eie soort wat Eskom bestuur
Hardloop elektrise minister, hardloop! Jou eerste taak wag.
Hulle eie kaders