Etzebeth-saak: Dís waar MRK nou staan

Suid-Afrika se Eben Etzebeth vier ‘n oorwinning saam met sy spanmaat, RG Snyman. (Foto: Shuji Kajiyama/AP)

Die Menseregtekommissie (MRK) sê hy het besluit om die dokumente wat verband hou met sy besluit om ʼn klag van haatspraak teen Eben Etzebeth aanhangig te maak, aan die Springbokslot beskikbaar te stel.

Etzebeth kom na verwagting vanaand in Suid-Afrika aan saam met ʼn seëvierende Bokspan wat pas as rugby se wêreldkampioen in Japan gekroon is. Die Springbokke het in dié stadium die rugbywêreld aan hul voete, maar op tuisbodem gaan die klag van haatspraak teen Etzebeth luidkeels voort.

Die MRK, namens vier klaers, sleep Etzebeth voor die gelykheidshof vir sy beweerde gebruik van die h-woord. Dit kom ná ʼn geveg buite ʼn kuierplek in Langebaan aan die Weskus waar Etzebeth en/of vriende van hom glo rassisties opgetree het.

Etzebeth het reeds die hooggeregshof gevra om die besluit om hom te vervolg, tersyde te stel.

Prof. Bongani Majola, voorsitter van die MRK. (Foto: sahrc.org.za)

Prof. Bongani Majola, voorsitter van die MRK, het Dinsdag gesê Etzebeth voer in sy hofstukke onder meer aan die besluit om hom te laat vervolg is irrasioneel en ʼn skending van die kommissie se eie prosedures.

Die kommissie het Maandag vergader en gevolglik besluit om die dokumente, waarop hy die besluit oor vervolging gegrond het, aan Etzebeth se regspan beskikbaar te stel. Die dokumente is nog nie aan Etzebeth se regspan beteken nie, maar sal so gou moontlik gedoen word, het Majola gesê.

“Hy sal dan tien hofdae hê om die dokumente te bestudeer en kan moontlik op grond daarvan besluit om sy aansoek te wysig. Weens die moontlikheid dat hy dít kan doen, het ons gemeen dit is voortydig om ʼn besluit te neem oor of ons die aansoek gaan teenstaan al dan nie,” het Majola gesê.

Die MRK sal eers ná die hofdae verstryk het ʼn besluit neem.

Majola het gesê die gelykheidshof het die saak teen Etzebeth reeds voorlopig op ys geplaas hangende die aansoek in die hooggeregshof. “Ons wag dus tot daardie aansoek afgehandel is,” het hy gesê.

Volgens hom het die MRK ʼn bespreking gehad oor die verloop van die saak en is hy tevrede dat dit aan die nodige vereistes voldoen.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

36 Kommentare

jongste oudste gewildste
KrokodilBotha

Op sy tyd, jones moet ook leer horlosie lees. Goue reels

Jacques

Dit is belaglik . Ek sal graag wil sien waar eindig die storie en wie is nou eintlik die verkeerde een in die verhaal .

Mandy

Ai tog, plaas hy die woord hond gebruik het……of watter diertjie nou weer?

Pieter C

Van wanneer af is daar iets soos die “h-woord”?
Voor die Etsebeth voorval het mens net van die “k-woord” geweet.
Kan ek maar kla oor die “b-woord” ook?……nee wat, ek is trots om so genoem te word.

Michael P

Maar Mandy ek dink die heeltyd die h-woord STAAN vir hond LOL