(Foto: Colette Schultz)
Eskom het Sondag gesê beurtkrag sal van Maandag tot Woensdag elke dag van 16:00 – 00:00 ingestel word.
Die kragvoorsiener sê so ver as wat dit moontlik is, sal beurtkrag tot die aande beperk word sodat dit ʼn minimale impak op die ekonomie en bevolking kan hê. “Die beurtkrag sal gebruik word om noodreserwes deurnag aan te vul om kragopwekkingskapasiteit ʼn hupstoot te gee.”
Eskom het onderneem om teen Woensdag of vroeër verdere inligting weer te gee indien daar enige beduidende veranderings plaasvind.
“Twee kragopwekkingseenhede by Kriel en ʼn eenheid elk by Kendal, Komati, Lethabo, Majuba en Matla-kragstasies is sedert Saterdag in diens gestel. ʼn Kragopwekkingseenheid elk by Kendal en Kusile is afgeskakel vir herstelwerk.”
Daar is tans 5 487 MW op beplande instandhouding en 14 061 MW is nie beskikbaar nie weens eenhede wat onklaar geraak het.
Presies soos laas week voorspel. Woensdag terug na fase 4. Eskom kan baie trots op hulself voel. n hele 48 uur sonder beurtkrag. Dit wil gedoen word.
Pateties en onbevoegd……. Verder së ek niks meer nie.
LOL
Eskom julle weet nie hoe om die besigheid te behartig nie, fire almal en stel mense aan wat die kennis het en bevoeg is.
En ons is weer battery hoenders
En ek sien De Ruyter sê: Elektristeit is te goedkoop, daarom word dit gemors. Hy het my ondersteuning totaal en al verloor. Hy is n volkome teleurstelling. Verder gaan ek maar niks sê nie. Dis hoe diplomaties ek kan bly, al kwyl ek om te sê wat ek regtig wil.
Presies dit. Nerens word melding gemaak van die belastingbetaker wat die ministers se rekeninge betaal en hul (ministers) wat geen beurtkrag het nie
Die wat dit mors betaal in elk geval nie daarvoor. My ligte is almal 5 watt lampies,timer is op my geyser, sit my ligte af so ver moontlik…so wat nog moet ek doen
En ek glo baie ander doen dieselfde as ek
Fase 2 beurtkrag vanaf 16:00 tot middernag.Vanaf 17:00 munisipale beurtkrag tot 19:00,en vanaf 19:00 tot 23:30 eskom.En dan is daar gedurende die dag munisipale beurtkrag.