(Foto: ER24)
Die dak van ’n vulstasie naby Vereeniging aan die Vaaldriehoek het Vrydagmiddag midde swaar reën en hael meegegee terwyl ’n wolkbreuk vloede in Vereeniging en Vanderbijlpark tot gevolg gehad het.
Russel Meiring, woordvoerder van ER24, sê twee persone het ligte beserings opgedoen toe die dak van die Global Garage in Seeisostraat in Sharpeville gedeeltelik ineengestort en op drie voertuie beland het.
Met paramedici se aankoms omstreeks 13:50 op die toneel het die bestuurders en passasiers van die voertuie reeds in ’n nabygeleë winkel gaan skuil.
Motors staan in vloedwater in Vanderbijlpark. (Foto: Ryno du Toit/Storm Report)
Twee mans, vermoedelik in hul 20’s, het ligte beserings in die voorval opgedoen. Die mans is op die toneel behandel voordat hulle na die Kopanong-hospitaal in Vereeniging geneem is vir verdere mediese behandeling.
Die plaaslike owerhede was op die toneel om ondersoek in te stel.
Storms word vanmiddag in dele van Gauteng en Noordwes verwag.
Another view of the Global Garage in Vereeniging that collapsed due to heavy rainfall earlier. pic.twitter.com/TkzxSjtTpg
— Storm Report SA (@StormReportSA1) November 20, 2020
Lots of flooding in Vereeniging after a cloud burst earlier.
Video Supplied pic.twitter.com/TBHzXq41h5
— Storm Report SA (@StormReportSA1) November 20, 2020
O hete!
afvoeer pype nie gediens nie
Ongelooflik ,hoop daar het nie mense seergekry nie
As afvoerslote en infrastruktuur intand gehou word, sal so iets nie gebeur nie
Mmm… Die einde van dae vervullings word meer en meer sigbaar…
Na die buitjie reen is dit nie meer die Vuildriehoek nie.