(Foto: Steve Leslie)
Wilde diere wat op vreemde plekke hul verskyning maak, is beslis geen ongewone verskynsel vir Suid-Afrikaners nie. ʼn Rooikat op Clifton se strand bly egter maar spesiaal.
Die rooikat is Donderdag op Clifton opgemerk waar Steve Leslie en sy vriendin skemerkelkies gedrink het, het Cape Town Etc. berig.
“Dit was ʼn wonderlike voorreg om só ʼn skaars kat te sien.
“Ons het skemerkelkies op Clifton se Eerste Strand gedrink toe my vriendin sê: ‘O, genade, kyk daar! Dit lyk soos ʼn rooikat.’
“Ek het aanvanklik gedink ‘wat is ʼn rooikat?’, omdat ek van Kanada afkomstig is,” het hy gesê.
“Die rooikat het doodluiters langs die strand afgestap.”
Volgens Leslie het hy die dier tot by die rotse gevolg, waar hulle net na mekaar gestaar het.
“Die rooikat was glad nie geraak deur my teenwoordigheid nie. Ná ʼn ruk het dit tussen die rotse verdwyn.
“In 40 jaar van wêreldreise en besoeke aan 90 lande het ek nog nooit só ʼn kat op die strand sien stap nie.”
-
- (Foto’s: Steve Leslie)
Dink hy voel veiliger op die strand as mense deesdae.
Dankbaar vir die artikel. Nou het ek ‘n idee waar my kieterkat is.
Ek het een oggend vroeg (5uur) twee see otters sien speel op die strand in Mosterdbaai. Dit was ongelukkig te donker vir fotos en kon net hul manewales met n verkyker beloer. Dit was te kosbaar.
Pragtig – dankie dat dit met ons gedeel is.
daai kat is kaal en niemand keer hom aan nie!! moenie sonder handskoene die “arrestasie” uitvoer nie :-)