‘Geskiedenis as verpligte vak moet skoolkurrikulum dekoloniseer’

skool-21.jpeg

Argieffoto

Die ANC se studiegroep vir basiese onderrig het die bevindings van die ministeriële taakspan verwelkom wat aanbeveel dat geskiedenis ʼn verpligte vak in die land se skole word.

Die taakspan het Dinsdag die parlementêre portefeuljekomitee oor basiese onderwys ingelig oor sy vordering met die daarstel van geskiedenis as verpligte vak.

“Met die ondersteuning van die aanbeveling dat geskiedenis as ʼn verpligte skoolvak aangebied word, erken ons die moontlike uitdagings wat dit inhou, veral met betrekking tot die finansiering van die herstrukturering van die kurrikulum, opleiding van onderwysers sowel as die skryf, gehalteversekering en drukwerk van handboeke,” het Nomalungelo Gina, woordvoerder van die ANC-studiegroep, gesê.

“Ons erken die pogings deur die departement en die taakspan se werk tot op hede, maar versoek hulle om alle pogings te bespoedig om dit te implementeer. Dit sluit in konsultasies met die departement van hoër onderrig en opleiding, onderwysvakbonde en ander belanghebbendes.”

Gina het gesê geskiedenis as ʼn verpligte vak is iets wat lankal nodig was.

“Dit speel ʼn sleutelrol in die bou van ʼn gevoel van nasionalisme, patriotisme en ʼn nasionale eenheid. Dit stel ook Suid-Afrikaners in staat om te leer en te verstaan van die stryd wat menige mens moes deurgaan sodat die land demokrasie kon bereik,” het Gina bygevoeg.

“Geskiedenis as ʼn skoolvak moet sosiale ongelykheid aanpak, praat oor kwessies van sosiale samehorigheid en die nasionale en Afrika-identiteit. Dit moet bydra tot ons projek om ons skoolkurrikulum te dekoloniseer. As ʼn skoolvak sal dit die analitiese en kognitiewe denke van leerders verhoog wat leerders op ʼn holistiese wyse sal bou.”

Maroela Media het vroeër berig die taakspan het baie ernstig gewaarsku dat geskiedenis maklik verpolitiseer kan word, en daar moet absoluut daarvan weggestuur word. Voorbeelde van hoe om dit nié te doen nie – so het die taakspan bevind – sluit in die stelsels in Zimbabwe, waar die geskiedenis van die regerende party onderrig word, en Rwanda, waar die Tutsi-oogpunt bo die Hutu-oogpunt gepropageer word.

Verskeie voorstelle is oorweeg in die omvattende verslag deur die taakspan. Lees meer hier.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

31 Kommentare

jongste oudste gewildste
Haan

Die doeltreffendste manier om n boom vrek te maak – is om sy wortels uit te kap.
Die gouste manier om n volk te breek, is om hom van sy geskiedenis te vervreem.

Waarheid

Gaan hulle dan die ware geskiedenis vir hierdie leerders leer , of gaan hulle dit draai en aanpas soos wat dit hulle pas?

marius

Dit gaan meer daaroor om die kinders te breinspoel as om hul geskiedenis te leer. Dit sal net ‘n eensydige, politiese verdraaiing van die geskiedenis wees.

Joshua

Die ANC regime gaan pro Liberation en anti Afrikaner geskiedenis impliminteer, dit gaan n ‘skuldgevoel’ en Afrikaner bashing (lees vernedering en sleg se) kurrikulum wees en nie die volle ware geskiedenis nie-dank die Vader my kinders is al klaar en ganie hierdie ANC gemors leer nie.

Elize

Gelukkig is ons generasie daar om die kinders nog te vertel van al die leuens wat in hulle koppe geplant gaan word oor die “nuwe geskiedenis” van ons land. Ek sal sovêr as moontlik my eie volk se geskiedenis oorvertel en die onregte wat in die nuwe bedeling aan hulle gedoen is. Niemand gaan my so breinspoel om die gemors te glo wat nou in die kinders se kele afgedruk gaan word nie. Nog ‘n manier om ontslae te raak van die witte.