GM onttrek uit SA: Swak ekonomiese beleid vernietig ekonomie

Chevrolet (deel van General Motors) Foto: AP Photo/Charles Krupa

Die vakbond Solidariteit het sy misnoeë uitgespreek oor General Motors (GM) se aankondiging gister dat hy sy bedrywighede in Suid-Afrika gaan staak, aangesien vervaardiging in Suid-Afrika nie die opbrengste gaan bied wat GM benodig om sy globale strategieë en beleggings te ondersteun nie.

Volgens Marius Croucamp, adjunkhoofsekretaris van die staal- en ingenieursbedryf by Solidariteit, kom GM se onttrekking uit die Suid-Afrikaanse mark as ʼn rimpeleffek van pres. Zuma se ondeurdagte kabinetskommeling in April vanjaar. “Ons is nou besig om die negatiewe uitwerking van hierdie afgradering te aanskou. Minder belegging en laer ekonomiese groei is maar net die begin,” het Croucamp gewaarsku.

Solidariteit vrees ʼn uittog van nog ander groot maatskappye weens die swak politieke en ekonomiese beleid wat tans toegepas word. “Die ekonomiese en sosiale gevolge van GM se onttrekking bied rede tot groot kommer.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

17 Kommentare

jongste oudste gewildste
Swart Piet

Die eintlike storie is dat die regering alles wat ons benodig in die land, eerder wil invoer as om dit self te produseer, want dan is hulle meer in beheer en maak sodoende meer geld vir hulle self. Hulle het nie juis n saak met werk skepping nie.

Johann

Toe ek die storie lees was die eerste ding wat ek gese het dat dit als te doen het met politiek.
Ek wonder net wie is volgende

JP Kempton Park

Daar is ander faktore wat ook ‘n rol speel in die besluit. Die Opel handelsmerk, een van juwele in die Internationale GM kroon, is verkoop aan Peugeot- Citroen. In Julie 2016 kondig GM aan dat sy huwelik met Isuzu in die bakkie mark verby is. Net daarna kondig Isuzu aan dat hy en Mazda saam aan ‘n nuwe bakkie werk. Gegewe hierdie feite is dit duidelik dat GM nie meer het om ons mark te bied as ‘n Chevy Spark nie.

Chris Ws

Met Chev se vertek agv apartheid jare gelde het ons hulle nie gemis nie.Hoekom sal ons nou?Die kompetiesie in die voertuigmark in SA is net te taai na hul sin!Die Japanese en Koriane is een te veel vir GM.

Donkiekar

Ek verneem dat een baan (met tolgeld) binnekort op alle snelweë vir donkiekarre oopgestel gaan word.