Gordhan dreig met regstappe

Pravin Gordhan. Argieffoto

Pravin Gordhan. Argieffoto

Pravin Gordhan, minister van finansies, het gesê hy sal hof toe gaan, indien nodig, om homself en sy departement te beskerm teen ʼn groep mense wat daarop uit is om “instellings te ontwrig”.

“Indien nodig, sal ek die toepaslike regstappe doen om myself en die Tesourie te beskerm teen enige elemente wat my, die instelling of die integriteit daarvan verdag wil maak en oneer aandoen.” Dit volg nadat die Valke vier dae voor die begrotingsrede ʼn vraelys gestuur het na aanleiding van die magstryd tussen hom en Tom Moyane, hoof van die Suid-Afrikaanse Inkomstediens (SAID).

“Ek kan bevestig dat die Valke geen rede het om my te ‘ondersoek’ nie.” Die ANC het by monde van Gwede Mantashe, sekretaris-generaal, sy ondersteuning aan Gordhan toegesê. “Ek is dankbaar vir die ondersteuning wat ek nou van die ANC af kry en die party se vasberadenheid om te verseker dat noodsaaklike instellings soos die Tesourie en die SAID nie negatief geraak word deur optredes soos wat ons die afgelope week gesien het nie.”

Volgens Gordhan is daar ʼn groep mense wat nie belangstel in die ekonomiese stabiliteit van die land nie. “Dit blyk dat hulle net daarin belangstel om instellings en mense se goeie naam te vernietig.”

Gordhan het vroeër Vrydag ʼn duidelike grens gestel rakende sy magstryd met Moyane. Lees meer hier.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

14 Kommentare

jongste oudste gewildste
Jean

Wat steek jy weg ou Gordon???

jan

Ek dink nie hy steek iets weg nie.Ek dink hy gaan n kan wurms oopmaak en dit gaan hopelik die einde van Zuma en sy trawante beteken. Kom ons hoop so.

Jaco

Lyk of ons darem een eerbare minister het

Oom Boer

Hoop Pravin Gordon kan hierdie Tom Moyane se departement laat ondersoek met aktiwiteite in die SAID. Dalk is daar ‘n paar Kaders wat deur hierdie mense beskerm word, maar dit wil voorkom of Gordon iets weet wat hul skielik hom wil weglei van waarhede om hom weer in onguns te bring, maar die waarheid seëvier altyd.

Dee

Waarskynlik het Moyane gehoop om ‘n volgende David Van Rooyen te wees. En aan diè vir wie ek dit duideliker moet sê, hy het waarskynlik gehoop op die posisie wat Gordhan (nou met die land se goeie wense) te beklee. En aan die werklik stadiges, ek dink Moyane het gehoop om die gekose minister te wees.