Grace Mugabe hét diplomatieke immuniteit, sê minister

Die kennisgewing wat in die Government Gazette gepubliseer is (Foto: Twitter)

Die Suid-Afrikaanse regering het Sondagmiddag bevestig die Zimbabwiese presidentsvrou, Grace Mugabe, het wél diplomatieke immuniteit en is daarom terug na Zimbabwe.

Mugabe het Sondag na Zimbabwe teruggekeer ten spyte van talle eise dat sy vervolg moet word nadat sy glo onlangs ʼn vrou in ʼn hotel in Sandton aangerand het.

ʼn Verslag van die Zimbabwiese nasionale uitsaaier, ZBC, het beeldmateriaal vertoon van die presidentsvrou wat saam met pres. Robert Mugabe by die Harare-lughawe aankom. Pres. Mugabe het ʼn beraad vir Suider Afrikaanse leiers in Pretoria bygewoon.

Volgens berigte het die presidentspaar die land in die middel van die nag verlaat.

Maite Nkoane-Mashabane, minister van internasionale betrekkinge en samewerkingsooreenkomste, sê sy het aan Mugabe diplomatieke immuniteit verleen op grond van die “Wet op Diplomatieke Immuniteite en Voorregte”.

Mashabane se bevestiging is in die Staatskoerant gepubliseer.

John Steenhuisen, DA-hoofsweep, het Sondag in ʼn verklaring gesê die DA sal ʼn onmiddellike parlementêre ondersoek na die regering se medepligtigheid van stapel stuur nadat die regering Grace Mugabe toegelaat het om die land te verlaat om sodoende kriminele vervolging vry te spring.

Die ondersoek moet volgens Steenhuisen die ministers van polisie, internasionale betrekkinge en samewerking, asook dié van verdediging en militêre veterane insluit.

“Dit is eenvoudig onverklaarbaar hoe so iets weer kon gebeur. Dit is weer ʼn bewys dat die ANC sal doen net wat hy wil om sy vriende te beskerm,” het Steenhuisen gesê.

Lees alle vorige berigte oor Grace Mugabe op Maroela Media.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

45 Kommentare

jongste oudste gewildste
karen

Gister het iemand terloops gese die saak gaan of grap van jaar of saak van die jaar wees. Lyk nie of hy ver uit was met grap van jaar ! iewers het ek vanoggend gelees die persoon word 3mnd gegun om haar oor te gee of wat ookal. Sorry vir die organisasie sy is weg – op die vliegtuig geklim en sy is weg – Bere maar die kameras van dai saak daar gaan niks kom nie. Ek dink ook daar is veel meer agter die storie as wat gespreek word.

Jan

Behoed jou kamerade. “Birds of a feather flog together” sic

Johan

Dit verbaas my nie eers nie. Het dit van dag 1 af geweet.

Blits

Ek het dit geweet, Daar nnie n manier dat ons regeering haar sou laat arresteer nie, Ek het geweet sy gaan los kom, Engels moes maar die geld gevat het

Nie trots Suid Afrikaner

Dit was nou al duidelik vir meeste “heldersiende” Suid Afrikaners dat niks hiervan sou kom nie. Dis tyd om te aanvaar dat ons land die grap van die eeu is.