‘Groot siel’ in Kuruman wreed vermoor

Danie Fourie. Foto: Verskaf.

Danie “Kat” Fourie (70) is Dinsdag wreedaardig op sy kleinhoewe in die Seoding-omgewing naby Kuruman in die Noord-Kaap vermoor.

Sy vrou, Mariaan, is erg aangerand, ontvoer en in die vroeë oggendure van Woensdag in die egpaar se bakkie langs ʼn snelweg aangetref.

Kapt. Sergio Kock, woordvoerder van die polisie, het aan Maroela Media gesê die Mothibistad-polisie het vroeg Dinsdagoggend ʼn verlate Isuzu-bakkie op die N14 naby Mothibistad aangetref. “ʼn Vrou is erg aangerand en met haar hande vasgebind binne die bakkie aangetref,” het Kock gesê.

Die polisie kon die voorval verbind met ʼn aanval op die Fourie-egpaar se kleinhoewe. “Die liggaam van Danie Fourie, haar man, is op die kleinhoewe aangetref waar dit toegemaak is met ʼn waentjieklap,” het Kock gesê.

Sake van moord en poging tot moord word ondersoek.

Paul Marais, voorsitter van die buurtwag, het aan Maroela Media gesê Danie het ʼn groot snywond aan sy keel gehad. “Ons het inligting oor die verdagte wat met die voorval verbind kan word en is besig om dit op te volg. Ons wil nie in die stadium te veel bekendmaak en die soektog benadeel nie,” het Marais gesê. Marais het ook bevestig daar is vuurwapens tydens die aanval gesteel.

Volgens Kock is Mariaan (63) tans in die hospitaal waar sy mediese behandeling ontvang. Marais het aan Maroela Media gesê hulle wag nog vir dokters by die hospitaal in Kathu om die omvang van haar beserings te bevestig, maar dat die aanranding “baie erg” was.

Enigiemand met inligting oor die voorval word versoek om kapt. Victor Mabena by 063 691 1089 te skakel.

Elizma Theron, die gewilde Afrikaanse sangeres, het ook op Facebook haar hartseer oor die voorval uitgespreek. “Vandag is ‘n hartseer dag vir die hele Kuruman-gemeenskap en vir ons almal wat die voorreg gehad het om hierdie groot siel te ken,” het sy geskryf.

ʼn Boer in die omgewing het aan Maroela Media gesê: “Ons almal hier is bang”.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

68 Kommentare

jongste oudste gewildste
buiteland

Terwyl klem nou op suidelike afrika en zim le, maak gebruik van die internasionale fokus op ons en laat die buitelanders in massas uitvind wat hier aangaan.

Ekke

N14……. Skokkend daar gaan dit maar net aan en aan en aan… Sterkte vir die tannie

Tania

My gebede is by die familie en vriendin. Hulle huis was soos my 2de huis toe ek op skool was. So wonderlike mense. Tannie Mariaan sterkte. Madelein, Danie, Lindie en Charmain. Dink aan julle. In God sal julle vertroosting kry.

Tania

Ek kan dit nie glo nie. Dit was soos my 2 de huis op skool. 2 mense wat uit hulle pad sal gaan om te help. Sterkte Tannie Mariaan. Madelein, Lindie, Charmain en Danie. Julle sal vertroosting in God kry

Erica Burger

Ons het die nuus vanoggend gekry, familie van aangetroude familie. Nog ‘n sinnelose moord, nog ‘n familie uitgemaar geskeur. Ons innige simpatie met hulle geliefdes.