Argieffoto (Foto: StockSnap/Pixabay)
WAARSKUWING: Die foto onderaan die berig is nie geskik vir kinders of sensitiewe kykers nie.
ʼn Veiligheidswag is Maandag op ʼn bekende kleinhoewe in Uitzicht AH in die Pretoria-omgewing met ʼn boutsnyer aangerand.
Nico van Vuuren, voorsitter van die Hercules-gemeenskapspolisiëringsforum, het gesê die sekuriteitsmaatskappy het aan die bestuurder van die kleinhoewe bevestig een van die wagte is met ʼn boutsnyer aangerand. Hy is met kopwonde hospitaal toe vervoer. Die voorval het omstreeks 01:40 plaasgevind.
“Die wag se foon is gesteel en ʼn paar sonpanele. Die sekuriteitsmaatskappy het bevestig enkele van die panele is agtergelaat. Die polisie is in kennis gestel en sake is aanhangig gemaak.”
Van Vuuren maan inwoners om bedag te wees. “Enigiets wat krag kan verskaf is tans in groot aanvraag, met ander woorde brandstof, kragopwekkers, sonpanele, batterye, ens.”
Veiligheidsmaatskappye word ook gemaan om hul wagte te waarsku om op hul hoede te bly. “ʼn Enkele veiligheidswag is nie meer voldoende nie.”
Die veiligheidswag is in die hospitaal opgeneem met verskeie kopbeserings. (Foto word met toestemming gedeel)
Indirek moet die ANC verantwoording doen.
Sekuriteitswag, ek is so jammer dat jy deur dit moes gaan. Ek het nou die dag vir n beampte alleen in n motor gevra wanneer hulle 2 2 gaan begin ry. Een alleen is net nie veilig nie. Hoop jy word gou gesond, fisies en geestelik
Vertraagde ANC REGERING moet verantwoordelik gehou word
So onmenslik!!!
Met die uitwissing van die boere gaan daar so baklei word oor kos ook.