’n Grootwithaai van nagenoeg 3,5 meter is Woensdagaand in die Keurboomsrivier gewaar. Lede van die publiek word nou gemaan om versigtig op dié rivier én langs die kus van Plettenbergbaai te wees aangesien verhoogde haai-aktiwiteit reeds langs die kuslyn opgemerk is.
Jaco Kruger, stasiebevelvoerder van die Nasionale Seereddingsinstituut (NSRI) in Plettenbergbaai, sê die plaaslike span het die haai sowat 300 m stroomop van die Keurboomsriviermond – omtrent halfpad tussen die riviermond en die N2-brug – opgemerk.
Volgens Kruger is dit ongewoon om ʼn haai in die rivier aan te tref.
Mariene wetenskaplikes van die Suid-Afrikaanse komitee wat haaivoorvalle monitor, vermoed dat die haai moontlik siek of gedisoriënteerd is.
Die NSRI het benadruk dat haaie hierdie tyd van die jaar langs die kuslyn vreet. Die publiek word derhalwe gemaan om versigtig te wees.
Die gedisorienteerde haai is nog steeds gevaarlik en is op soek na kos, swemmers moet maar wyd kyk.
Ook nêrens meer veilig nie …
Is dit ‘n ANC haai wat soek vir ‘n lekker tender?
Seker dat dit ‘n withaai is en nie ‘n zambezi/ bull shark is nie.
Vir meeste mense is enige haai ‘n grootwitdoodshaai. Jou opinie dink ek is eerder moontlik.
Ja, daar is drone fotos op FB.