Hofbevel gekry om historiese begraafplaas te onderhou

Die Winburg-konsentrasiekamp-begraafplaas. Foto: AfriForum

Die Winburg-konsentrasiekamp-begraafplaas. Foto: AfriForum

Na ’n jare lange regstryd het AfriForum daarin geslaag om die bewaring van die Winburg-konsentrasiekampbegraafplaas te verseker nadat die hof die Masilonyana-munisipaliteit beveel het om die terrein te onderhou.

AfriForum het in ʼn verklaring gesê die organisasie het ’n skikking met die Masilonyana-munisipaliteit bereik wat tot bevel van die hoër hof verklaar is. Die bevel behels dat ’n opknappingsplan binne 60 dae saamgestel moet word om die terrein te beskerm. Die munisipaliteit moet verder die gestorte rommel in die omgewing opruim, die terrein en pad daarheen onderhou, asook toesien dat onwettige gruisgrawery in die omgewing gestaak word.

Volgens Alana Bailey, adjunk uitvoerende hoof van AfriForum, is die hofbevel ’n oorwinning vir erfenisbewaring in die land. “Hierdie terrein is van groot nasionale en internasionale kultuurhistoriese betekenis. Dit is ’n skande dat die munisipaliteit sy verantwoordelikheid om dit te onderhou kon verontagsaam – tot só ’n mate dat regsaksie al uitweg was om dit van vernietiging te red,” het sy gesê.

Die begraafplaas dateer uit die Anglo-Boereoorlog (1899 tot 1902) en bestaan uit gedenktekens, grafte en unieke grafstene van sowel slagoffers wat in Winburg se konsentrasiekamp aangehou is as Britse soldate.

Bailey het beklemtoon dat plaaslike, provinsiale en nasionale owerhede landwyd al minder doen om bestaande erfenisterreine te bewaar. Sy het gesê dat AfriForum die hofbevel as van groot belang beskou omdat dit dien om alle owerhede te herinner aan hulle wetlike verpligting om Suid-Afrika se kultuurhistoriese erfenis te bewaar.

“AfriForum vertrou dat die hofbevel sonder versuim uitgevoer sal word en sal steeds die situasie monitor,” het sy gesê. “Die grootsheid van ’n nasie word ook gemeet aan die wyse waarop dit die helde uit die verlede se nagedagtenis eer. Tot dusver was die toestand van Winburg se konsentrasiekampbegraafplaas ’n voorbeeld van hoe dit nié gedoen behoort te word nie. Hopelik is die hofbevel ’n keerpunt in dié verband en kan die munisipaliteit en gemeenskap in die toekoms saamwerk om die terrein te herstel en onderhou.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

27 Kommentare

jongste oudste gewildste
Siela

Asb kyk ook na Standerton se historiese begraafplaas. Selfs d monumente v d konsentrasiekamp word bekrap!!!

Speedguard

Ook die een in Vereeniging is baie erg verwaarloos ! Dankie Afriforum !

Irene

Ek hoop hulle doen dit hul gee niks om nie

Gertjie

Donkerhoek by Kleinfontein word gereeld en baie goed versorg. Ons was verledemaand daar.

cobusp

Hulle onderhou nie eers die begrafplaas van madiba nie lyk soos n varkhok……….seker bang vir die voorvader geeste……..so kan verstaan hoekom die erfenis begrafplase nie na gekyk word nie…..