Interdik teen ‘wit nedersetting’ verwelkom

Adriaan Nieuwoudt, voormalige “kubuskoning” (Foto verskaf)

ʼn Nuwe en eksklusiewe wit gebied het weer opdraande in die hof gekry. Die hofgeding, ʼn dringende aansoek om ʼn interdik, het gehandel oor die onwettige oprig van strukture op die plaas, Dikdoorn, van Adriaan Nieuwoudt, voormalige “kubuskoning”.

Die Kamiesberg-munisipaliteit op Garies was die aansoeker. Landdros Joshua Klasse het die dringende aansoek toegestaan. ʼn Tydelike interdik is reeds op 21 Februarie deur Klasse aan die munisipaliteit toegestaan.

Die oprigting van die nedersetting vir slegs wit mense buitekant Garies, val onder die vaandel van die sogenaamde Eureka-beweging. Laasgenoemde is die breinkind van Nieuwoudt, wat hom beywer vir ʼn soewereine gebied, waar wit mense selfbeskikking kan geniet.

Rufus Beukes, munisipale bestuurder, was verheug oor die hof se uitspraak. “Die munisipaliteit ondersteun geensins sy planne nie. Nieuwoudt moes eers aansoek doen dat hierdie landbougrond hersoneer word as grondgebied wat bedoel is vir dorpstigting. Daarna moes hy bouplanne indien vir goed- of afkeuring. Dis nooit gedoen nie.”

Petro Willems, DA-raadslid, het ook die uitspraak verwelkom. “Dit was ʼn onwettige ontwikkeling en dorpstigting. Aan die ander kant moet die regering nou begin besef dat hulle daadwerklik teen plaasaanvallers moet begin optree. Hierdeur sal die boere en plaaswerkers hul werksaamhede in ʼn veilige omgewing kan voortsit sonder enige vrese.”

Nieuwoudt het gesê dat daar beslis geen uitspraak teen Eureka, homself of Eureka Beperk gemaak is nie. “Julle mislei die publiek. Ek dink hierdie hele aansoek van die munisipaliteit was bedoel om mense te probeer oorreed om nie by ons aan te sluit nie.” Hy het bygevoeg daar is appèl aangeteken teen die uitspraak.

Inwoners van Garies het aangedui bouwerk het steeds by Eureka voortgegaan terwyl die tussentydse interdik van krag was. Die munisipaliteit sou dit laat ondersoek het.

Na bewering het ongeveer 5 000 wit lede reeds aangesluit by die Eureka-beweging. Hulle kry glo elk ʼn 1 000 meter² erf gratis en betaal slegs vir die boukoste.

Nieuwoudt se aansoek vir dorpstigting word op 15 Maart in die Kimberley-hooggeregshof aangehoor. Die munisipaliteit staan dit teen.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

100 Kommentare

jongste oudste gewildste
Wielspore

As ek die berig lees dan wonder ek waaronder van die informele nedersettings, is dit dan goedgekeurde gebiede, ek glo nie, hoekom word mense toegelaat om daar te bou.
Hier naby ons langs die N4 is heelwat strukture en mooi geboude huise.

Johan

Ek sal nie daar gaan bly nie.
Maar as mense in ‘n eksklusiewe Tswana. Zoeloe, Indiër of Blanke plaas wil gaan bly het ek geen beswaar daarteen nie. Dit moet hulle keuse wees. Maar dit moet nie ‘n bron vir rassisme word nie. Die klem moet val op kultuur…

Johann cb

Adriaan en sy trawante is besig om die wêreld moeilik te maak vir almal van ons wat graag in vrede wil leef!

Chris

Wat word gedoen aan plakkerskampe wat oornag uit die aarde herrys? Niks. Wat word gedoen aan grondbesetters wat oornag grond beset? Meestal niks omdat die grondeienaars nie altyd die geld het om dit te beveg nie. Hierdie is bloot jaloesie omdat dit ordelik, netjies en skoon gedoen gaan word en nie so haglik soos plakkerskampe gaan wees nie. Laat die blankes na hulself omsien.

Boet Fasie

Dit gaan weer alles oor wit, geen wette geld in bruin en swart woonbuurte nie. Hoeveel gesinne woon op een erf. almal trek SASSA en daar word niks daarvan gese nie. Hulle kry nog water en krag gratis en hulle dien geen planne in vir die strukture wat hulle opslaan nie. Kan mense nie besef daar is arm blankes ook nie, hoekom kan blanke plaasboere nie van hierdie mense op sy plaas huisves om hulle te help nie, hierdie blankes het ook kinders wat in armoede moet groot word.