Die motorfiets se wrak. Foto: Verskaf
ʼn Man in sy in sy twintigs is dood nadat sy motorfiets Woensdagmiddag teen ʼn motor in Durban gebots het.
Volgens Garrith Jamieson, woordvoerder van Rescue Care Paramedics, het die botsing omstreeks 12:30 by die kruising van Peter Mokaba Ridgeweg en Seaforthrylaan in Berea gebeur.
“Dit is nog nie duidelik hoe die botsing plaasgevind het nie. Die polisie was op die toneel om ondersoek in te stel,” het Jamieson gesê.
Die motorfietsryer was reeds dood toe paramedici by die toneel opgedaag het. Hy is toe dood verklaar. Die bestuurder van die motor het geringe beserings opgedoen. Sy is op die toneel gestabiliseer en na ʼn nabygeleë hospitaal geneem vir verdere behandeling en waarneming.
Nuus wat saak maak!