Khehla Sitole kry glo skorsingsbrief

Genl. Khehla Sitole, nasionale polisiekommissaris (Foto: ANA)

Suid-Afrika se nommer een polisiebeampte, genl. Khehla Sitole, het glo ʼn brief ontvang waarin hy ingelig word van die voorneme om hom te skors.

eNCA berig Sitole het nou sewe dae om op die brief te reageer en hy sal homself glo aan ʼn ondersoek moet onderwerp. Hy het die brief glo Maandag ontvang.

Sitole mag in sy voorlegging aan pres. Cyril Ramaphosa redes aanvoer oor waarom hy nie geskors behoort te word nie.

Brig. Vish Naidoo, nasionale polisiewoordvoerder, het by navraag gesê hy kan nie “ontken of bevestig” dat ʼn skorsingsbrief op Sitole beteken is nie.

Die presidensie het nog nie op ʼn navraag oor die brief gereageer nie.

Die hooggeregshof het in Januarie bevind Sitole en twee ander hooggeplaastes het hul plig versuim deur nie met die onafhanklike polisieondersoekdirektoraat (Opod) saam te werk nie, terwyl verskeie bewerings waarby hy betrek word, ondersoek is.

Die hof het ook beveel dat alle bewyse wat Opod benodig, dadelik gedeklassifiseer en oorhandig moet word. News24 berig die Nasionale Vervolgingsgesag (NVG) se ondersoekdirektoraat het tussen die ondersoek by Opod oorgeneem.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

31 Kommentare

jongste oudste gewildste
Louis

En cele moes al lankal sy afdankings brief gekry het

JM

Seker weer skorsing met volle betaling. Sal my opinie oor daardie gesig liewer vir myself hou. Kan nie glo dat Cele nog steeds in sy pos is nie.

Misky

Daar is baaaaaie wat ook so brief moet ontvang, opgesluit word en verantwoordelik gehou word vir wandade. Honderde van hulle!!!!

Anthony

SA se nommer een polisie beampte nogal…….lol. Dit was nou goed dankie.

Johann

Hoe werk die hele skors ding? So hys NIE gefire nie. Kry steeds AL sy geld? Mag sê NEE eks nie geskors nie….kry stteds n sak vol geld….en dan as hy die “eerbare ” ding doen vilgens sy Pres eb bedabk….kry hy nog sakke vol geld? GEKKE PARADYS