Kirkwood-onrus: Boere én gemeenskap ly onder geweldpleging

Die onluste in die omgewing van Kirkwood (April 2022) (Foto: Verskaf)

Die ironie van die wydverspreide geweldpleging in die landbougemeenskap van Kirkwood in die Sondagsriviervallei in die Oos-Kaap is dat opstandiges klaarblyklik nie besef hulle vernietig hul eie vermoë om ’n inkomste te verdien nie.

Só sê Piet Mey, provinsiale leier van die VF Plus. “Die VF Plus het dié gemeenskap vandag besoek en is veral getref deur die erge en sinnelose vernietiging en vandalisme.”

Pakhuise vol pas geplukte produkte is in brande vernietig en woonhuise in puin gelê. Vrugte is in boorde gestroop en op die grond gegooi om te vertrap en takke van bome gebreek.

In sommige gevalle is hierdie skade só erg dat dit jare kan neem om weer in volle produksie te kom.

“Geweldplegers besef klaarblyklik nie hulle vernietig die ondernemings waarvan hulle en hul gesinne afhanklik is vir ’n toekomstige inkomste nie. Met die VF Plus se besoek vandag was daar ’n sterk en sigbare polisieteenwoordigheid in die gebied.”

Alhoewel daar gister ’n ooreenkoms met die werkers bereik is, was dit vandag duidelik dat die gemoedere nog hoog loop en die situasie steeds plofbaar is.

Mey sê in gesprekke met lede van die gemeenskap was dit vir die VF Plus duidelik dat baie vredeliewende mense wil terugkeer werk toe en ongelukkig is oor die wyse waarop ’n klein groepie die geweld en emosies bly aanjaag.

“Hulle besef deeglik dat die situasie hul werk en inkomste in die gedrang bring. Die VF Plus sal graag wil sien dat daar, soos met ander opstande van hierdie aard, vasgestel word wie agter die aanhitsing en geweldpleging sit. Hierdie mense misbruik gewone werkers en moet pa staan vir die skade wat reeds miljoene rande beloop.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

17 Kommentare

jongste oudste gewildste
Christine

Wat interessant is, is dat die media skaars twee weke gelede berig het hoe wonderlik goed dit gaan met SA se sitrusbedryf, dat ons land een van die wêreld se beste en grootste uitvoerders van sitrus is, en toe gebeur hierdie stakings! Iemand sit beslis daaragter! Skielik het die EU ‘n spul nuwe reëls voor SA se sitrusboere kom neerlê wat geen ander land aan hoef te voldoen nie. Is dit net terloops? Ek glo nie, lyk my die aanval op ons sitrus boere strek veel weier as net plaaslik. Terloops, die aanvalle op ons Kirkwood-boere is nie klein groepies… Lees meer »

Johan

Daar is nie pille vir onnoselheid nie. As ek boer is srel ek nie een van daai opstokers weer aan nie

Frank John

Kyk maar net wie die rebelse partye in die land is en jy sal sien wie die aanhitsers is. Daar is nou maar eenmaal die mense wat nie verder as hul neuse kan dink nie. Hulle soek chaos. Hulle kan nie die son oor ander sien opkom nie en is hulle ook jaloers omdat hulle self nie sukses van hul eie lewens kan maak en nooit sal nie.

Pieter

Dink die geweld is beplan en gekoördineer deur die ANC/EFF. Verbasend dat die ANC en SAKP nie hul werkers betaal nie en sulke optrede as in Kirkwood is afwesig by Luthuli huis.

Wondermaarnet

Daar is nie pille vir domgeit nie.