Argieffoto ter illustrasie.
Die polisie het Woensdag sy klopjag na die vermeende moordenaars van ʼn veiligheidswag in Parys in die Vrystaat voortgesit nadat al die leidrade ʼn week later opgedroog het.
Die betrokke ondersoekbeamptes is nou desperaat vir enige inligting wat tot die inhegtenisneming van die verdagtes kan lei.
Sers. Josephine Rani, polisiewoordvoerder, sê die veiligheidswag en twee van sy kollegas was op 30 November by die Parys-hospitaal aan diens toe hy doodgeskiet is.
“Die drie wagte het om 22:00 in verskeie rigtings geloop om die hospitaalterrein te patrolleer vir kabeldiefstal toe twee van die wagte skote gehoor het,” sê sy.
“Die twee wagte het in die rigting van die skote gehardloop en op hul gewonde kollega afgekom.”
Die wag het skietwonde aan sy bors opgedoen en is na die hospitaal geneem. Hy het egter later aan sy beserings beswyk.
Nog niemand is in verband met die moord in hegtenis geneem nie.
“Ons doen ʼn beroep op enigiemand wat inligting oor die verdagtes het om konst. Jabulani Moqhedlana by 082 466 8094 of 082 554 3041 te kontak.”
Vra vir Cele dat hy gou n taakspan saamstel.
Daar is nêrens meer ‘n veilige plek in SA nie.
Hoe kan jy ‘n klopjag voortsit as jy geen leidrade of verdagtes het nie. Dit moet lees ondersoek voortgesit.