Foto verskaf deur Netcare 911
ʼn Konstruksiewerker is Donderdag dringend na ʼn hospitaal in Gauteng geneem ná hy ongeveer drie meter ver geval het.
Shawn Herbst, woordvoerder van Netcare 911, het gesê paramedici is omstreeks 12:30 na die toneel by ʼn residensiële kompleks naby Roodeplaatdam, noord van Pretoria, ontbied.
“Volgens berigte het die man sowat drie meter ver geval en kop eerste op die betonvloer te lande gekom. Hy was in ʼn ernstige toestand toe paramedici opgedaag het,” het Herbst verduidelik.
Hy is met ʼn helikopter na ʼn hospitaal geneem vir verdere behandeling.
