Argieffoto bloot ter illustrasie. (Foto: SAPD/Facebook)
Die liggame van 19 vermeende onwettige mynwerkers, oftewel zama-zamas, is Woensdag by ’n myn in Krugersdorp gevind.
Daar is omstreeks 15:00 op die liggame afgekom nadat die polisie inligting ontvang het, het brig. Brenda Muridili, polisiewoordvoerder, gesê.
Volgens Muridili dui voorlopige inligting daarop dat die oorledenes geskuif is na waar hul liggame gevind is. Nadoodse ondersoeke sal gedoen word om die oorsaak van hul dood te bepaal.
’n Geregtelike doodsondersoek word gedoen.
