Die ZS-CSL-vliegtuig het glo by die Kromvlei-lughawe in dié omgewing opgestyg en sou weer daar land. (Foto: William Ntladi)
Drie mense is ernstig beseer toe ’n ligte vliegtuig Donderdag kort voor 18:00 op die M7 naby Alberton in Johannesburg neergestort het.
Die ZS-CSL-vliegtuig het glo by die Kromvlei-lughawe in dié omgewing opgestyg en sou weer daar land.
William Ntladi, woordvoerder van die Ekurhuleni-nooddiens, sê al drie passasiers het oorleef, maar is in ’n bedenklike toestand na die hospitaal vervoer.
Hy kon nie Vrydag aan Maroela Media bevestig of hul toestand intussen verbeter het nie.
“Hulle het baie ernstige beserings opgedoen. Al drie is met private ambulansie na die Netcare Union-hospitaal vervoer.”
Die besonderhede en oorsaak van die ongeluk is in dié stadium nog onduidelik.
Volgens Ntladi was die Burgerlike Lugvaartowerheid (BLO) op die toneel om ondersoek in te stel.
Maroela Media het ʼn navraag aan die BLO gestuur en wag tans op terugvoer.
Op die snelweg of langs die snelweg, want anders is daar pad vol gras.
Moet baie moelik wees om op ‘n snelweg te land, veral as daar voertuie aankom, en langs die pad is gras, klippe, dongas en draade.
Het al 3 beseerdes in die “private ambulansie” gepas…..?
ZS-CSL is die vliegtuig se registrasie nommer!
Minor detail, maar “ZS-CSL” is die registrasie van die vliegtuig. Die vliegtuig fabrikaat is ‘n Piper PA-24-250 Comanche