Die Nasionale Raad van Provinsies het twee lede van die ANC onbestrede tot voorsitter en ondervoorsitter verkies.
Die voormalige burgemeester van Johannesburg en oudvoorsitter van die parlement se staande komitee oor etiek en ledebelange, Amos Masondo (ANC, Gauteng), is tot voorsitter verkies.
As ondervoorsitter het Sylvia Lucas (ANC, Noord-Kaap), oudpremier van die Nood-Kaap, die paal gehaal. Haar verkiesing is uit die openbare galery begroet met uitroepe van “KFC, KFC!”, met klaarblyklike verwysing na die hoeveelheid braaihoender en ander kitskos wat sy bestel het toe sy nog premier was.
Seiso Mohai (ANC, Vrystaat) is onbestrede tot hoofsweep van die raad verkies.
Alle provinsies en politieke partye het hul ondersteuning aan die voorsittende beamptes betuig, solank hulle onpartydig optree.
Al 54 permanente lede (ses per provinsie) is sonder voorval ingehuldig en die raad kan nou begin funksioneer. Die doel van die Nasionale Raad van Provinsies is om provinsies en munisipaliteite se belange te beheer en te monitor, en om as herbesinningsplek vir wetgewing te dien.
Nasionale raad van provinsies is niks anders as “dumping ground for redundant politicians” sodat hulle kan aanhou soustrein ry.
Dan is maar so! Die slag is die stemtellery seker vinniger afgehandel as gister on die Parlement!
Hopelik gaan een of ander kommissie vir Sylvia Lucas ook sink want sy teer op die belastinbetaler.