‘Meeste tot dusver vanjaar landuit’

Al hoe meer wit Suid-Afrikaners verruil die bekende lewe in stede soos Johannesburg vir ’n nuwe bestaan in die vreemde. Foto: Morné van Rooyen

Kenners voorspel die meeste mense tot dusver sal vanjaar landuit verhuis.

In ʼn onlangse verslag deur Pew Research word geraam dat sowat 900 000 mense wat in Suid-Afrika gebore is, in 2017 in die buiteland gewoon het. Teen die huidige trant sal dit teen die sensus van 2021 tot meer as 1 miljoen toeneem, berig Business Tech. Die meeste van dié emigrante sal volgens die peiling welgestelde, opgevoede wit beroepsmense wees.

Van die byna 1 miljoen Suid-Afrikaners wat reeds landuit verhuis het, woon sowat 210 000 in die Verenigde Koninkryk, die gewildste bestemming vir emigrante. Australië is in die twee plek met 190 000, gevolg deur Amerika (100 000) en Nieu-Seeland (60 000).

Amper 2  000 Suid-Afrikaners, hoofsaaklik wit mense, verhuis op die oomblik maandeliks landuit.

Hoewel Suid-Afrika ʼn rekordgetal immigrante van meer as sowat 1 miljoen tussen 2016 en 2021 sal verwelkom, meld Pew Research dat sowat 115 000 wit Suid-Afrikaners in dieselfde tydperk sal emigreer, die meeste in enige vyfjaartydperk dié eeu, maar nie ʼn drastiese toename vergeleke met die 110 000 wat tussen 2011 en 2016 landuit is nie. Amper 2  000 Suid-Afrikaners, hoofsaaklik wit mense, verhuis op die oomblik maandeliks landuit na veral die Verenigde Koninkryk, Australië en Amerika.

Statistieke Suid-Afrika voorspel dat 430 000 wit mense die land in die twee dekades tot 2021, wanneer die volgende sensus na verwagting gehou sal word, sal verlaat. Dit kom neer op 21 000 per jaar; tog voorspel hulle dat die wit bevolking tussen 2017 en 2018 effens, van 4,49 miljoen tot 4,52 miljoen, sal toeneem.

Business Tech berig wit Suid-Afrikaners emigreer nie meer noodwendig na die gebruiklike Australië, Amerika en die Verenigde Koninkryk nie, want nuwe gewilde bestemmings sluit onverwagte lande soos Griekeland, Portugal en Chili in. Kanada is ook ’n gewilde bestemming; 50 000 Suid-Afrikaners het reeds dié land hul nuwe tuiste gemaak.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

168 Kommentare

jongste oudste gewildste
Deel julle geheime

Kan nie glo dis so maklik nie. Ons is oor 50 en as ons nie n sponsored employer het nie vat hulle (het USA en Holland en Poland probeer) nie eers ons aansoeke nie. Hoe kry die mense dit so maklik reg?

Staak saam

Die meeste van hulle wat nou so hardloop is die klomp met daai diep gewortelde liberale siekte, die dag as alles hier uit gesorteer is dan moet hulle asb ook net daar bly en ons kinders nie weer kom vergiftig met hulle liberale visie nie.

RG

@Staak saam, hulle stook die liberale vure nog meer van die ander kant af. As ek nou moet kies tussen SA en Griekeland, bly ek liewer hier.

B

Jy slaan die bal ver, ver mis ‘staak saam’.

Jammer dat mens jou vaderland moet verlaat agv ‘swartifikasie’ en ‘witstaatsloosheid’

Charlie

Staak saam! Ek moes die land verlaat, ek wou nie maar my man het vir langer as 2 jaar en 7 maande gesukkel om werk te kry. Dink jy dis maklik om alles wat jy ken, al jou geliefdes te los. Jou kinders die vreemde in te vat. Nee my maat dis seker die moeilikste ding om te doen. Ek maak geensins my kinders rassisties groot nie. Hier is soveel ander kulture, kleure en nasies wat hier woon en snaaks genoeg hulle respekteer mekaar. Ek is bitter lief vir my land Suid Afrika. Ek bid regtig dat God ons tuiste… Lees meer »