Metrobeampte vas ná hy omkoopgeld aanvaar

Argieffoto

ʼn Metropolisiebeampte is Donderdag in hegtenis geneem vir omkopery en korrupsie ná hy glo R100 omkoopgeld aanvaar het.

Isaac Mahamba, woordvoerder van die Tshwane-metropolisie het gesê hulle het ʼn klagte gekry rakende die beampte wat glo om 11:00 die omkoopgeld in Soshanguve aanvaar het.

“Ons het blitsig al die inligting versamel en die beampte is om 14:55 vasgetrek,” het Mahamba laat hoor.

“Die Tshwane-metropolisiedepartement keur nie korrupsie goed nie. Ons verwyt onsself ten diepste dat van ons beamptes korrup is, ons sal aanhou om hard te werk om hierdie beamptes uit te roei,” het Mahamba gesê.

Hy het lede van die publiek gevra om nie omkoopgeld aan te bied nie en die optrede van hul beamptes by 082 891 8625 aan te meld.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

17 Kommentare

jongste oudste gewildste
Ander Annie

Daar is baie wat dit doen. Om 1 van die baie te vang is nou regtig nie ‘n prestasie nie.

Lucas

Ek stem saam met jou Annie. Hulle kan 10 ‘n dag vang as moeite gedoen word daarmee want meeste doen dit asook Provinsiale beambtes. Hoe weet ek dit? Want ek was al deur beide genader op ‘n indirekte manier.

Scalla

Daar is sy loopbaan in sy kanon en dit vir R100. Dit moes beslis nie die eerste keer gewees het nie.

alida

Dit is ‘n prestasie om een te vang. Die ander sal dan versigtiger wees. Wees tog net dankbaar dat die DA iets probeer om die korrupsie uit te roei. Waarmee gaan julle tevrede wees? Dit lyk my met NIKS. Kry iets konstruktiefs om julle mee besig te hou en hou op kla oor alles.

Johan

Het die nommer 0828918685 geskakel en persoon het nie geweet waarvan ek praat, klink of sy ook tans by n Kleuterskool of plek is waar baie kinders speel.