Minister gee Anglo-Boereoorlog nuwe naam

Minister Mthethwa tydens die bekendstelling. Foto: Facebook

Minister Mthethwa tydens die bekendstelling. Foto: Facebook

Nathi Mthethwa, minister van kuns en kultuur, het tydens die bekendstelling van Versoeningsmaand by die oorlogmuseum in Bloemfontein aangekondig dat die naam van die Anglo-Boereoorlog (ABO) amptelik verander is.

Mthethwa het in sy toespraak verduidelik hoekom die Anglo-Boereoorlog se naam na die Suid-Afrikaanse Oorlog verander is. “Ons is hier by die oorlogmuseum om die Suid-Afrikaanse storie van die Suid-Afrikaanse oorlog te vertel, ʼn oorlog wat vir baie lank as die Anglo-Boereoorlog bekend gestaan het en as ʼn ‘wit man se oorlog’ bestempel is.”

Volgens Mthethwa het studies in die afgelope 30 jaar deur “revisionistiese historici” met ander historiese feite vorendag gekom wat daartoe lei dat die oorlog in ʼn ander lig gesien word. “Die tradisionele interpretasie van die oorlog was om dit te sien as ʼn oorlog tussen die Britte en die Afrikaners wat gekenmerk is deur die dood van duisende soldate aan albei kante, die dood van duisende vroue en kinders in konsentrasiekampe en die aanvaarding van ‘n beleid van verskroeide aarde aan die kant van die Britte wat Afrikaners en swart mense se plase, diere en grond aan die brand gesteek het.”

Mthethwa het egter gesê “die volle afgryse” van die oorlog op almal wat destyds in die land geleef het, is egter nie vertel nie. “Ons weet dat die San-mense ʼn rol gespeel het in die oorlog. Swart Suid-Afrikaners het hul deel gedoen as vegters, as hulpdienste in die oorlog en as werkers en huishulpe. Daar was ook ongeveer 100 000 swart mense in Britse uniform en ander is as verkenners aan beide kante van die oorlog gebruik.”

Die minister het ook gesê die Britte het ʼn arbeidsmag benodig en dat hulle om dié rede konsentrasiekampe al langs die spoorweë opgestel het waar hulle swart Suid-Afrikaners aangehou het. Mthethwa het verwys na Stowell Kessler se boek The Black Concentration Camps of the Anglo-Boer War 1899-1902 waarin gesê word: “Die Suid-Afrikaanse Oorlog word somtyds na verwys as ‘The last gentlemen’s war.’ Tog, toe die rook van die slagveld verdwyn het van die uitgebrande plase en krale, en al die soldate huis toe gegaan het, het die dodetal getoon dat amper twee keer soveel vroue en kinders in die Suid-Afrikaanse Oorlog dood is as die aantal soldate wat op die slagveld dood is. Swart en wit ma’s, en veral hulle kinders, het soos vlieë in die konsentrasiekampe omgekom …”

Volgens Mthethwa het die 114 konsentrasiekampe bestaan uit 65 kampe vir swart mense en 49 vir wit mense en is daar nagenoeg 285 089 mense, hoofsaaklik vroue en kinders, in die kampe aangehou. Mthethwa het gesê daar was 140 154 mense in die wit kampe en 144 944 mense in die swart kampe. “Volgens revisionistiese historici het ongeveer 51 927 mense in die kampe gesterf, waarvan 27 927 in die wit kampe en 24 000 in die kampe vir swart Suid-Afrikaners was. Baie van hulle was kinders.”

Mthethwa het tydens die geleentheid ʼn gedenkplaat onthul wat die name van wit en swart Suid-Afrikaners bevat wat in die konsentrasiekampe dood is. “Ons gee hierdie mense se waardigheid vir hulle terug, herstel hul aansien en erken hul lyding. Ons moet aandring op die erkenning van gedeelde simbole en waardes; en die bevordering van ‘n landwye bewuswording van trots Suid-Afrikaans wees.”

Mthethwa het ook bekend gemaak dat die museum voortaan as die Suid-Afrikaanse Oorlogmuseum bekend sal staan.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

62 Kommentare

jongste oudste gewildste
mad man

nou wil ek weet wie is hy of wie het hom die reg gegee om name teverander soos hy lus kry

Rakker

Ag nee regtig!!!! So belaglik!!!! Dit WAS ‘n BOERE oorlog waarin BOERE dood is en BOER vroue in konsentrasie kampe gegooi is!!!!!!!!! Hul pas ook net die geskiedenis aan soos dit hul pas. Nog iets wat hul van die Boere wil wegneem!!!! En voel hul nou beter oor hulself??? Na meer as 100 jaar nou ewe skielik die nuwe navorsing? Deur wie nogal “uitgedink ” wonder ek? belaglik!!!!!!

Blondie

Aitog … so moet alles verdraai en vernoem word .

Rietrot

In die Geskiedenis boeke sal Anglo-Boere oorlog bly. Almal kan dit “google”.

Elbie

Pateties! Hulle gaan seker een of ander tyd die land se naam wil verander.. rerig belaglik anc!