Minister se slegte nuus oor Eskom

Tito Mboweni, minister van finansies, lewer die begrotingsrede in die parlement. (Skermskoot: eNCA)

Die minister van finansies, Tito Mboweni, het aangekondig dat die staat in die huidige finansiële jaar nog ʼn reusebedrag aan Eskom gaan gee.

Volgens Mboweni sal ʼn verdere R26 miljard bykomend tot die ekstra R69 miljard oor drie jaar (en dus bykomend tot die ekstra R23 miljard vanjaar) van die belastingbetaler verhaal word om Eskom aan die gang te hou.

Benewens daardie ekstra R69 miljard oor drie jaar gaan daar ook ʼn bykomende R33 miljard benodig word in die volgende geldjaar (2020-’21) wat van die belastingbetaler en deur bykomende staatslenings gefinansier sal moet word.

Dit was vanoggend die slegte nuus wat Mboweni vir die lede van die Nasionale Vergadering gehad het. En wat opposisiepartye, by name die DA, EFF, VF Plus en ACDP, woedend gehad het, is dat die korrekte stappe nie gedoen en die voorgeskrewe wetsproses nie gevolg is nie, dermate dat die DA die proses in hersiening voor die hof gaan neem.

Dit is nie duidelik of so ʼn regsproses gaan beteken dat die jongste R26 miljard nie aan Eskom uitbetaal kan word terwyl die saak hersien word nie – dis nuwe vaarwater vir Suid-Afrika.

In sy kort en keiharde toespraak het Mboweni gesê Eskom is die grootste risiko vir Suid-Afrika se fiskale raamwerk, en dat die hele stelsel inmekaar sal stort as Eskom sink.

Hy het die versekering gegee dat die regering aan ʼn plan werk om Eskom te red, en dat ʼn hoof van herstrukturering vandag nog by Eskom aangestel sal word.

Hy het die skuld op staatskaping gepak vir die situasie, hoewel die res van die ANC-sprekers apartheid vir die gemors geblameer het. Nie dat veral die DA, EFF, VF Plus en ACDP hulle daarmee laat wegkom het nie.

Mboweni het gesê daar is ʼn afname in beleggersvertroue in Eskom, en Eskom is nie tans finansieel volhoubaar sonder staatshulp nie.

“Sonder staatshulp sal Eskom inmekaarstort,” het Mboweni erken.

Verdere slegte nuus is dat die staat se belastinginkomste aansienlik laer sal wees as waarvoor begroot is. Dit gaan volgens die minister beteken dat die regering nog geld sal moet leen en sy beleid oor die uitreik van staatseffekte hersien.

“Die land is in ʼn baie slegte finansiële posisie,” het Mboweni erken. Hy het gesê daar is geen ander manier om vooruit te gaan as dat Eskom weer lewensvatbaar gemaak word nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

40 Kommentare

jongste oudste gewildste
ne

Word daar OOIT gekyk na die salarisse/bonusse wat uitbetaal word. Die belastingbetalers is voos betaal aan onbevoegde ANC mense. Stel die grootkoppe se salarisse vas op ‘n sekere bedrag en daar mag nie bonusse uitbetaal word terwyl hulle so vrou van die skuld is nie.

Pieta

En die wit persone wat voorheen vir Eskom gewerk het en wou help met die herstel van Eskom is te wit en is voor gesê dankie maar nee dankie ons het julle wittes nie nodig nie. So dankie dan het hulle my belasting ook nie nodig nie dankie!!!

toy

Wonder maar net wie se skuld is dit dat die land in ‘n slegte finansiele posisie is.

Martin

Ons het gewerk vir daai salarisse en bonusse

marous

Plak Jan Rabie se “Drie Kaalkoppe Eet Tesame ” op elke staats instelling se deure en ets dit in die parlement se buite mure .