ʼn Motorfietsryer is Dinsdagmiddag ernstig beseer tydens ʼn ongeluk in Manabastrand in Margate, KwaZulu-Natal.
Chris Botha, woordvoerder van Netcare 911, het gesê ʼn motorfiets en ʼn motor het mekaar getref. “Die motorfietsryer het ernstige beserings opgedoen,” het Botha gesê. “Paramedici het die man op die toneel gestabiliseer en na ʼn hospitaal geneem vir verdere behandeling.”
Die polisie ondersoek die oorsaak van die ongeluk.