Ondersoek ná onnie glo leerders swanger maak

Argieffoto

ʼn Volskaalse ondersoek is van stapel gestuur nadat bewerings aan die lig gekom het dat ʼn Noord-Kaapse onderwyser hoërskoolleerders swanger gemaak het.

Die voorval het by die Bothitong Hoërskool in Kuruman plaasgevind.

Geoffrey van der Merwe, woordvoerder vir die Noord-Kaapse departement van onderwys, het aan Maroela Media bevestig dat die departement die bewerings ondersoek. “Die ondersoek het gister [Woensdag] begin. Niemand is nog geskors nie aangesien ons beamptes nog besig is met die ondersoek,” het Van der Merwe gesê.

Die departement het wel in ʼn verklaring bevestig dat onderwysers wat onder verdenking is onmiddellik voorwaardelik geskors sal word hangende die uitslag van die ondersoek.

“Ons kan die publiek belowe dat ons geen steen onaangeroer sal laat in dié ondersoek nie. Die nodige dissiplinêre stappe sal gedoen word, na gelang van die bevindinge van die ondersoek,” het Van der Merwe gesê.

Volgens die departement se rekords was daar in die afgelope drie jaar slegs 16 leerders by die skool swanger, maar Van der Merwe het bevestig sommige berigte beweer 30 leerders is hierdeur geraak.

Hy het bygevoeg die departement hoop die leerders wat die aantygings gemaak het, sal hul samewerking gee om die ondersoek so spoedig moontlik af te handel.

Martha Bartlett, LUR vir onderwys, sal die skool Maandag besoek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

33 Kommentare

jongste oudste gewildste
WL

“Slegs” 16 leerders swanger….

piper

met DNA is die ondersoeke mos gou gou afgehandel

WL

“Slegs” 16 leerders swanger…

Alida

Genade wat nog in SA.

Anoniem

SJOE!!! “…slegs 16 leerders swanger…”

Daar behoort geen skoolkinders swanger te wees nie!

Watter vak het die onderwysers gegee? Lewensoriëntering?

Indien skuldig, moet hierdie woelige onderwysers summier afgedank te word, en hulle moet onderhoud te betaal vir al hul kinders. (Ek weet as hulle afgedank word, kan hulle nie onderhoud betaal nie. Maar ek is nou so geskok ek kan nie reguit dink nie.)