Oud-veiligheidswag gevonnis ná hy geldsak steel

Johan Venter (Foto: Valke)

’n Veiligheidswag wat voorheen by die Fidelity-veiligheidsmaatskappy gewerk het, is tot vyf jaar tronkstraf of ’n boete van R10 000 gevonnis.

Johan Venter (31) is daaraan skuldig bevind dat hy in November 2021 ’n sak met R100 000 van sy werkgewer gesteel het.

Volgens Zinzi Hani, woordvoerder van die Valke, het Venter op 20 November verlede jaar 107 sakke kontant van die Fidelity-basis na ’n SBV-depot vervoer, maar slegs 106 sakke is by die depot aangeteken.

’n Interne ondersoek het gevolg en Venter het erken dat hy die geld gevat het. Hy het sy bestuurder na sy private voertuig geneem waar die sak geld gevind is. Venter het reeds ’n bedrag van R2 230 uit die sak gevat. Die saak is by die Valke aangemeld.

Venter is Woensdag in die streekhof in George gevonnis. Hy het gekies om die boete van R10 000 te betaal. Hy is verder onbevoeg verklaar om ’n vuurwapen te besit.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

15 Kommentare

jongste oudste gewildste
annie

Dis darem interssant dat mense wat kleiner bedrae verduister vinnig gevonnis word. Gryp groot is skynbaar SA se wagwoord vir dekades se sloer van verhore.

Wondermaarnet

Het hy regtig gedink hy gaan daarmee wegkom?

Lillian

Daai bedrag geld is te min om voor in die moeilikheid te kom.

Harley Davidson

Skelm is skelm en straf moet toegepas word punt.

VaalDonkie

R100 000 is omtrent twee jaar se salaris vir hom. Ek dink nie dit was reg nie, maar ek verstaan.