Oudjuffrou vas oor byna R1 miljoen se bedrog

Argieffoto

Tasmyn Lynn Dorothy (42), ʼn voormalige Abet (Adult Basic Education and Training)-onderwyseres, het in die Oudtshoorn-landdroshof verskyn op aanklag van byna R1 miljoen.

Kapt. Philani Nkwalase, woordvoerder van die direktoraat vir prioriteitsmisdaadondersoeke (die Valke), het gesê Dorothy het na bewering tussen Januarie 2010 en Mei 2013, toe sy as ʼn onderwyseres en bestuurder by verskillende onderrigsentrums in Oudtshoorn gewerk het, na bewering spookleerders geregistreer. “Dit het dus gelei tot ʼn verhoging in die werklike getal geregistreerde studente om finansieel voordeel te trek uit die Wes-Kaapse departement van onderwys. Die departement het ʼn verlies van R946 538 gely weens onwettige aktiwiteit.”

Nkwalase het gesê Dorothy is Maandag in hegtenis geneem en sy het dieselfde dag in die hof verskyn. “Die saak is tot 6 September uitgestel. Sy is vrygelaat op borgtog van R2 500.”