ʼn Mosambiekse egpaar is Woensdag by Mogaung in die Sekhukhune-distrik in Limpopo in hegtenis geneem ná die dood van ʼn agtjarige meisie.
Die kind het by haar stiefma (31) en biologiese pa (35) gewoon.
Volgens die polisie het ander inwoners mettertyd bewus geword van die beweerde mishandeling waaraan die kind onderwerp is.
Kol. Malesela Ledwaba, polisiewoordvoerder, sê ná ʼn ernstige voorval (van beweerde mishandeling) het ʼn “barmhartige samaritaan” die familie Woensdag genader om navraag te doen en daar is vasgestel dat die meisie ernstig beseer is nadat sy aangerand is.
“Lede van die gemeenskap het mediese hulp ingeroep en die kind is met ʼn ambulans na die naaste hospitaal geneem waar sy aan haar beserings beswyk het.”
Die egpaar is in hegtenis geneem en die man en vrou staan albei tereg op ʼn aanklag van moord en oortredings van die Immigrasiewet.
Die twee sal na verwagting Vrydag in die Nebo-landdroshof verskyn.
Ag liewe hemel, ek kry altyd trane in my oë as ek so berig lees. Die arme kind!!! Waar was die biologiese mammie, niemand was daar om tot haar redding te kom tot dit te laat was. Waarom gebeur sulke dinge.
Ja, ‘n mens verstaan nie altyd die hoekom en waarom nie nê.
GEEN kind verdien so lewe nie.
Ek stem 100% saam, want om ‘n kind, ‘n bejaarde of dier te mishandel is siek