Paarl-vrou vermis: Kêrel in hof

Jacobus Oosthuizen. Foto: Facebook

Jacobus Oosthuizen. Foto: Facebook

Die kêrel van Nicola Pienaar, die vrou van die Paarl wat sedert 5 Januarie vermis is, het Maandag in die Port Elizabeth-landdroshof op ʼn aanklag van motordiefstal verskyn nadat haar ma se motor in sy besit gevind is.

Kol. Priscilla Naidu, woordvoerder van die polisie, het gesê die saak teen Jacobus Oosthuizen (32) is uitgestel vir nadere ondersoek en om die ondersoekbeampte kans te gee om Oosthuizen se woonadres te bevestig. Naidu het gesê Oosthuizen sal op 27 Januarie weer in die hof verskyn wanneer die saak na verwagting na die Paarl-landdroshof oorgeplaas sal word.

Maroela Media het vroeër berig Oosthuizen is Saterdag in Port Elizabeth in hegtenis geneem nadat iemand Pienaar (28) se ma se motor by ʼn kitskosrestaurant in Albanyweg opgemerk het. Pienaar, wat die motor gebruik het, se klere is in die motor gevind.

Oosthuizen het aan die polisie gesê dat hy en Pienaar op 7 Januarie na Port Elizabeth onderweg was, toe hulle ʼn uitval gehad het. Hy beweer hy het haar in Oudtshoorn afgelaai.

Intussen word Pienaar steeds vermis. Enigiemand met inligting word versoek om sers. Anderson by 021 807 4000 of Crime Stop by 0860 010 111 te bel.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

15 Kommentare

jongste oudste gewildste
Apie

Hoe de hel kon hy haar sommer net so aflaai? Ek dink hy lieg!! Sy storie stink.

Adeline

Ek kry ñ gevoel die ou het dalk iets met haar verdwyning the doen.

Olga

Hulle se ook nie enige iets dat hy dalk betrokke is in haar vermis nie. slang in die gras!!

BS

Hy kan lieg soos hy wil. Haar kar. Sy sou hom kon aflaai. Nie hy haarnie.

Rasper

LIEGBEK hoe kon jy haar afgelaai het as dit nie eers jou kar is nie – die woord se reeds vir ons wie die vader van die leuen is. SATAN is die vader van die leuen, so net hy sal jou glo. As jy haar afgelaai het, sou sy al lankal iemand gebel het, of iemand sou van haar gehoor het. Dink jy ons is n klomp morone.