Argieffoto bloot ter illustrasie. (Foto: Andri Tambunan / AFP)
Die polisie in Mayville ondersoek ʼn saak van poging tot moord nadat ʼn paramedikus, wat nie aan diens was nie, ʼn man op die N3-snelweg in Durban geskiet het.
Volgens lt.kol. Robert Netshiunda, polisiewoordvoerder, het die paramedikus Saterdag net voor middernag in haar private motor gery toe sy op ʼn ongelukstoneel afgekom het. Sy het stilgehou en gehelp.
“Volgens inligting het sy [die paramedikus] die situasie geassesseer en daarna teruggeloop na haar motor om toerusting te kry. Dit is toe dat ʼn ander voertuig haar motor van agter gestamp het,” bevestig Netshiunda.
“Drie mans het na bewering uit die voertuig gespring en ʼn argument het tussen hulle en die paramedikus gevolg.”
Volgens Netshiunda het een van die mans glo ʼn vuurwapen uitgepluk, waarna die paramedikus haar privaat gelisensieerde vuurwapen uitgehaal en op die man met die vuurwapen geskiet het.
Die man is na die hospitaal geneem vir verdere mediese behandeling. Die ander twee mans het na bewering in die voertuig geklim en van die toneel gevlug.
“Die polisie het op die vuurwapens beslag gelê vir verdere ondersoek. Nog niemand is in verband met die voorval aangekla nie aangesien ondersoekers steeds meer inligting oor die voorval insamel.”
Dis selfverdediging.Sy het die reg gehad om dit te doen .
Ek stem heelhartig saam.
Dis reg. Verdedig jouself. Dit was jy of hy.
Ek sê dis selfverdediging
Selfverdediging. End of story.
As jy ‘n vuurwapen uithaal, het jy dit reeds in jou kop om hom te gebruik, ek sal beslis nie wag dat hy 1ste vuur nie. Die reel van jy slaan nie eerste nie, maar jy slaan wel eerste terug, werk ongelukkig nie so lekker as dit by vuurwapens kom nie.
Reg opgetree, jouself beskerm, laat dit vir hul n les wees.
Cowboy country mensies – verdedig jouself!
Baie mooi. Hy sal twee keer dink voor hy weer so iets probeer! Goed dat jy jouself verdedig het!
Die wet stel eit duidelik. “In self-defence, the first requirement is that there must be an unlawful and violent attack. The defender has the right to use the necessary force, but not excessive force, to thwart the attack. The defence, therefore, must be commensurate with the attack.”
………. To stop the asalant not kill.