Polisievrou se vermiste seuntjie dood gevind

Katlego Lesenya wat op 21 Mei 2016 in Mokopane verdwyn het. Sy liggaam is op 30 Mei 2016 gevind. (Foto: SAPD, Limpopo)

Katlego Lesenya wat op 21 Mei 2016 in Mokopane verdwyn het. Sy liggaam is op 30 Mei 2016 gevind. (Foto: SAPD, Limpopo)

Katlego Lesenya (9) wat op 21 Mei verdwyn het, se liggaam is Maandag gevind.

Katlego se ma, ʼn 38-jarige konstabel van Mokopane (Potgietersrus) se eenheid vir gesinsgeweld, seksuele oortredings en kinderbeskerming, was die Vrydag voor sy verdwyning, glo met haar kêrel in ʼn argument betrokke. “Die verhouding is daarna verbreek,” het kol. Ronel Otto, woordvoerder van die polisie in Limpopo, gesê.

Katlego was laas saam met die kêrel gesien op die dag van sy verdwyning.

“Die verdagte is die afgelope naweek in Lephalale (Ellisras) in hegtenis geneem. Hy het aan polisiebeamptes gewys waar hy die liggaam gestort het,” het sy bygevoeg.

Die verdagte het glo die seuntjie se liggaam van ʼn brug af in ʼn vlak rivier op die Marken-pad tussen Mahwelereng en Lephalale gegooi.

“Lede van die polisie se honde-eenheid en soek- en reddingspanne is op die toneel om die liggaam uit te haal. ʼn Nadoodse ondersoek sal gedoen word om die oorsaak van sy dood te bepaal.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

26 Kommentare

jongste oudste gewildste
Lance

Baie tragies wys my net hoe min n lewe werd is …wat gaan in so n ou se kop aan …Botswana het nie die probleme ….want hulle het nog die doodstraf ….so jy dink 3 x …in SA doen jy wat jy wil want die wet beskerm die krimeneel meer as die slagoffer …hierdie is nou n duidelike voorbeeld

Ana

Ai nee!!!! Dis tragies!!!

Luister

Tragies, en ironies. Sy ma werk met sulke gevalle.

Irah

Die land brand af en al wat zoempie doen is bakhand staan vir ń verdomde vliegtuig.

Penellope Jones

Ag liewe ouers tog!! ‘n Onskuldige seuntjie van net 9 jaar oud!!!