Pous Franciscus wil frase in ‘Onse Vader’ verander

Pous Franciscus. Foto: Vatican Radio – English Section/Facebook

Pous Franciscus het vandeesweek tydens ʼn onderhoud op die Italiaanse televisiekanaal TV 2000 voorgestel dat ʼn frase uit die “Onse Vader”-gebed wêreldwyd gewysig word omdat dié frase glo nie ʼn “goeie vertaling” van die oorspronklike gebed is nie.

Die pous het gesê die frase “lei ons nie in die versoeking nie” is nié ʼn goeie vertaling nie omdat “God nie mense na sonde lei nie”.

Hy het voorgestel dat die frase “laat swig ons nie voor versoeking nie” waarskynlik ʼn beter vertaling van die teks is.

Die pous het gesê Frankryk se Rooms-Katolieke Kerk gebruik reeds die nuwe bewoording as ʼn alternatief en het voorgestel dat ʼn soortgelyke frase in al die tale wêreldwyd gebruik word. Hy sê die bekende frase stel voor dat God mense in versoeking lei, wat nié waar is nie.

“[Die frase moet lees] laat swig ons nie voor versoeking nie, want dit is nie God wat my lei na die sonde en dan kyk hoe ek val nie – dis die mens self wat swig. ʼn Pa [God] doen dit nie, ʼn Pa help jou onmiddellik op,” het hy gesê.

Pous Franciscus is bekend daarvoor dat hy sedert die begin van sy pousdom nie wegskram van kwessies wat kontroversieel is nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

69 Kommentare

jongste oudste gewildste
Mike

Al is ek hoe ‘n groot Calvines…..moet ek erken die Pous het ‘n punt beet.
En ek lug my mening ….wetende daar gaan baie kritiek op my kop neerdaal.

Manuela

ek bid al lankal daardie frase anders. laat ons nie in die versoeking kom nien omdat presies daardie woorde my al lankal teen die bors stuit

Anita

Hy kan se wat hy wil. Ek sal dit nog steeds bid. Money money .

Hansie slim

Die pous het ‘n punt beet.
Ek sal sy voorstel ondersteun maar daar sal dalk teenstand wees.

Celia Swarts

Wie dink hy is hy dat hy sommer die Onse Vader kan verander? God se Woord waarsku ons teen hierdie dinge!!!!