Ramaphosa op pad Duitsland toe vir G20-beraad

Pres. Cyril Ramaphosa. Foto: ANA

Pres. Cyril Ramaphosa vertrek Sondag na Duitsland om die G20-Afrika‑konferensie van Maandag tot Dinsdag in Berlyn by te woon.

Konferensiegangers is van plan om die vordering met die G20-vennootskap met Afrika asook die ooreenkoms met Afrika te bespreek.

Afgevaardigdes sal kyk na maniere waarop die G20 (die wêreld se 20 grootste ekonomieë waaronder Suid-Afrika), Afrikalande en ontwikkelingsbanke kan saamwerk om private belegging en ekonomiese deelname in Afrika te bevorder, terwyl ook teruggekyk sal word op die prestasies en vordering sedert die Hamburg-beraad in 2017.

Ramaphosa sal na verwagting in sy hoedanigheid as medevoorsitter van die G20-Afrika- raadgewende groep die G20-beleggingsberaad toespreek. Op dié beraad word Duitse sakeondernemings en Afrikalande bymekaargebring met die oog op beleggings.

Suid-Afrika se president sal ook ʼn bilaterale ontmoeting met die Duitse kanselier, Angela Merkel, hê. Ramaphosa word op sy besoek aan Duitsland van die minister van finansies, Tito Mboweni, vergesel.

“Suid-Afrika en Duitsland het ʼn lewenskragtige en groeiende handelsverhouding,” sê Khusela Diko, Ramaphosa se woordvoerder. “Suid-Afrika se uitvoer na Duitsland beloop R84,198 miljard en ons invoer R127,543 miljard. Daar is meer as 600 Duitse ondernemings in Suid-Afrika wat sowat 100 000 werkgeleenthede bied.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

16 Kommentare

jongste oudste gewildste
JV

Wonder watse twak hy in sy toespraak gaan kwytraak. Definitief ‘n spul ontkennings ook.

Realis

Wonder wat gaan Pinocchio nou weer vir die wêreld spin?! Belê in die land van melk & heuning! Big time oppad! Big time se bollie oppad ja………

Bedelaarsbakkie

Bakhand na die Weste. Nou is die weste goed, later weer sleg.

Waarheid

Julle neem die woorde uit my mond.Hoop die AFD sien deur hom en sy leuens.

Pvt

Ai ons (SA) word uitgelag.

Tyd dat ons boeke skryf en movies maak.
Ons sal goeie geld maak.