Roeiers veilig ná seekoeie hulle gestrand laat

Argieffoto

ʼn Groep van agt roeiers is veilig aangetref nadat hulle gestrand was ná hulle ʼn trop seekoeie teëgekom het terwyl hulle op die Visrivier na Port Alfred se kant toe geroei het.

Die Nasionale Seereddingsinstituut (NSRI) is Sondag omstreeks 16:00 deur vriende en familie van die agt roeiers in kennis gestel ná hulle nie betyds by hul bestemming aangekom het nie. Hulle is vroeër die dag stroomop afgelaai.

Craig Lambinon, woordvoerder van die NSRI, het gesê ʼn privaat vliegtuig het aangebied om die NSRI by te staan met die aanvanklike soektog en die roeiers is 10 km stroomop aangetref.

“Ons kon met die roeiers kommunikeer [nie met selfone] en meen hulle kon nie verder roei nie omdat hulle deur ʼn trop seekoeie verhoed is.”

ʼn Boer het na die spesifieke ligging gegaan ná die privaat vliegtuig hulle gewaar het en het al agt mense daar aangetref.

Hy kon nie dadelik met die soek-en-reddingspan kontak maak nie weens die feit dat daar nie sein in die spesifieke gebied is nie.

“Die roeiers het verkies om by die rivier te bly en die soek-en-reddingspanne is gekanselleer. Geen verdere bystand is benodig nie,” het Lambinon gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

3 Kommentare

Nou hoe nou? ·

Paragraaf 1 verwys na 8 roeiers en paragraaf 2 na 9 roeiers en verder af weer 8?

Landi Slatter ·

Dagsê Nou hoe nou

Baie dankie vir jou kommentaar! Ons vra om verskoning vir die oorsig, die berig is reeds gewysig.

Groetnis
Landi nms Maroela Media

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.