SA werkloosheid vererger

Argieffoto (Foto: radiokerry.ie)

Werkloosheid in Suid-Afrika het in die eerste kwartaal van vanjaar selfs erger geword en met 0,5 persentasiepunte toegeneem tot 27,6%, het Statistiek Suid-Afrika Dinsdag bekend gemaak.

Die situasie is selfs taaier vir jong mense, met sowat ʼn derde van werksoekers onder die ouderdom van 24 jaar wat nie werk kan kry nie, het die statistikus-generaal, mnr. Risenga Maluleke, aangekondig.

Volgens Statistiek Suid-Afrika se syfers het 237 000 werkgeleenthede in die eerste kwartaal verlore gegaan.

Die afgelope jaar het die getal Suid-Afrikaners van werkende ouderdom toegeneem met 149 000, maar die getal werklose mense het met 325 000 toegeneem.

Byna alle ekonomiese sektore het ʼn verlies aan werkgeleenthede ervaar. Die meeste werkverliese was in die konstruksiebedryf (142 000), gevolg deur die finansiële sektor (94 000), gemeenskaps- en maatskaplike dienste (50 000), private huishoudings (31 000), mynbou (20 000) en landbou (12 000).

Sektore waar werkgeleenthede merkbaar toegeneem het, is vervoer (59 000), handel (25 000), diensverskaffing (16 000) en vervaardiging (14 000).

Van die sowat 10,3 miljoen Suid-Afrikaners tussen 15 en 24 jaar oud is 33,2% werkloos en nie besig met onderwys en opleiding nie. Vir die ouderdomsgroep 15 tot 34 jaar staan daardie syfer op ʼn hoogs sorgwekkende 40,7%.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

27 Kommentare

jongste oudste gewildste
Andreas

Ek het idee Cyril sal meer as een haas uit die hoed met trek, en dalk sommer ‘n paar konyne ook.

Pieter du plessis

Dit is goed so as gekyk word na die stemme vir die anc is dit wat die meerderheid wil hê

honourable member

Dit gaan ook nooit verbeter nie want die regering is nie ingestel op werkskepping nie net lee beloftes aan die massas om stemme te werf.

jaco

hoekom is die werkloosheidsyfer nie net meer as 2 miljoen nie? want dis hoeveel ekonomies aktiewe wit mense daar is en daars soveel regstellende aksie en BEE om elke hoek en draai, dat dit dus besonder maklik behoort te wees om werk te kry met net die “regte” velkleur”.
Iewers maak iets dus nie sin nie.
Wit werkloosheid en wit armoede is seker maar die “straf” vir apartheid, maar hoekom is mense uit rassegroepe wat slagoffers van apartheid was, dan ook werkloos?
Hoekom sorg ons swart regering dan so swak vir hulle eie mense?

Hanna Hoekom

Dankie tog vir Sassa! Hierdie kastige werklose jongmense is baie goed met kindertjies maak…